EKSPO kórmesi ótken úsh aıda elordanyń saýda ortalyqtary men men oıyn-saýyq ortalyqtaryna kelýshiler sany artyp, táýligine 70 myń adamǵa jetti, dep habarlaıdy Qamshy.kz aqparat agenttigi.  Bul týraly Astana qalasynyń kásipkerlik jáne ónerkásip basqarmasynyń bastyǵy Rysgúl Qaýǵabeva málimdedi.

«Saýda oıyn-saýyq ortalyqtaryna (SOSO) kelýshiler sany burnaǵy jylmen salystyrǵanda eki esege artty. Máselen, ótken jyldardyń osy kezeńinde bir kúnde 33 myńǵa jýyq adam kelse, bıyl bul kórsetkish táýligine 70 myńdy qurady. Sondaı-aq elordanyń barlyq saýda ortalyqtarynda kórme kezinde keń aýqymdy merekelik sharalar ótkizildi. Dálirek aıtsaq qaladaǵy SOSO 180-ge jýyq sharany ótkizdi», - dedi R.Qaýǵabaeva.

Aıta keteıik, Astanada 8 iri saýda oıyn-saýyq ortalyǵy jumys istep tur.

«Kórme kezinde kelýshilerdiń sanyn arttyrý maqsatynda olar kádesyı ónimderin satatyn arnaıy dúńirshekter ashyp, balalar demalysyn damytty. Sebebi, jaz mezgili balalardyń oqý demalysyna shyqqan kezi bolatyn. Budan bólek, túrli event sharalar ótkizdi. Jalpy, SOSO kelýshiler sany men saýda kóleminiń artqany baıqalady», - dedi basqarma basshysy.

Sondaı-aq jaz aılaryna elordanyń birqatar bazarlary kelishýlerdiń jaılylyǵy men qolaılyǵy úshin jumys ýaqytyn ózgerken bolatyn.

«Al bazarlardy alatyn bolsaq, munda da ósim kólemi 2-2,5 esege artty. Qala bazarlaryna kelýshiler sany bir kúnde 15 myńǵa deıin jetti. Kórme aıaqtalysymen qala bazarlary belgilengen kestege seıkes, burynǵy tártippen jumys istep jatyr», - dedi Kásipkerlik jáne ónerkásip basqarmasynyń basshysy R.Qaýǵabaeva.