Pavlodar oblysynda ótken táýlikte 55 jastaǵy eki áıel adam ystan ýlanyp qaldy. Olardyń biri Ýspen aýdanynyń turǵyny bolsa, ekinshisi – pavlodarlyq, dep habarlaıdy Qamshy.kz aqparat agenttigi  pavlodarnews.kz málimetine súıenip.

Oblystyq TJD baspasóz qyzmetiniń málimetinshe, tańǵy saǵat jetide Ýspen aýylynyń Pýshkın kóshesinde ornalasqan  eki páterli qamys turǵyn úıdiń bir bóliginde órt shyqqan.

- Úsh bólmeli páterde jylytý peshi janyp, úsh sharshy metr aýmaqta aǵash qurylymdar órtengen. Qutqarýshylar kelgenge deıin oqıǵa ornynan bir adam aýdandyq ortalyq aýrýhanaǵa ortasha deńgeıde ýlaný dıagnozymen jetkizildi, - deıdi departamentte.

Budan basqa, Pavlodar qalasynda Mır, 60/1 kóshesindegi turǵyn úıdiń birinshi qabatynan bastap tórtinshi qabatyna deıin metal qoraptyń ishindegi elektr symdary janyp, 12 metr boıyn sharpyǵan.

Sonymen qatar ekinshi podezde elektrqalqanynda 0,6 sharshy metr aýmaqta matras byqsyp janǵan. Bul jerden de qalalyq aýrýhanaǵa ortasha ýlaný dıagnozymen bir adam jetkizilgen. Órt bolǵan jerden 43 adam qutqarylǵan, olardyń segizi - balalar. Tilsiz jaýdy aýyzdyqtaýǵa jeke quramnan 14 adam jumyldyryldy.