Ystyq kól oblysynda Jeti-ógiz Qabaq aýylynda 47 jastaǵy er adamdy óltirip, basyna kóliktiń shınasyn taǵym órtep jibergen, dep habarlaıdy Qamshy.kz aqparat agenttigi jergilikti BAQ-qa silteme jasap.

21 qyrkúıekte belgisiz bireý 47 jastaǵy er adamdy aıaýsyz óltirip, qylmysyn jasyrmaq nıette onyń basyna kóliktiń shınasy kıgizip órtep jibergen.

Er adamnyń máıitin An-Osten aýylyna jaqyn mańda kóldiń jaǵalaýynan taýyp alǵan. Zertteý barysynda deneniń ústińgi bóligi janyp ketkendigi belgili boldy. Máıitti zardap shegýshiniń týystar, balasy tanyp, aıtyp bergen.

Belgili bolǵandaı, kóz jumǵan er adam 1970 jylǵy I.Qalybek esimdi azamat eken. Ol taksıst bolyp jumys istegen, qyzy Dýbaıda qyzmet atqarady eken. Keıbir derekterge sáıkes, Qalybek óziniń qyzyna qońyraý shalyp, 2000 AQSH dollaryn suraǵan eken. Osy oqıǵadan keıin er adam dereý joǵalyp ketken.

Máıit 21 qyrkúıekte tabylǵan, al 22 qyrkúıekte ulynyń telefonyna ákesiniń atynan sms hat kelipti. «Balam men shuǵyl sharýalarymmen Almatyǵa kettim. Bir aıdan keıin oralamyn», - dep jazylǵan habarlamada.

Qaza tapqan er adamnyń áıeli ol ýaqytta Bishkekte bolǵan. Belgili bolǵandaı, áıeli Bishkektegi dámhanalardyń birin jalǵa alyp, jumys isteıdi eken.

Qylmystyq iske qatysty tergeý jumystary áli jalǵasýda.