Qazaqstan Respýblıkasynyń Memlekettik hatshysy Gúlshara Ábdihalyqova «Týǵan jer» respýblıkalyq forýmynyń qurmetti qonaǵy retinde Aqtóbe oblysyna keldi dep habarlaıdy Qamshy.kz aqparat agenttigi.

Sapar barysynda Gúlshara Ábdihalyqova «Týǵan jer» respýblıkalyq forýmynyń resmı ashylýyna qatysty.

Memlekettik hatshy «Jubanovtar áýeni» mýzeı-úıin aralady. Joba «Týǵan jerge taǵzym» jobasy aıasynda júzege asyrylýda. 

Sondaı-aq Gúlshara Ábdihalyqova «Batys-2» shaǵyn aýdanyndaǵy «Jekpe-jek» saraıynyń ashylýyna qatysty. Nysan memlekettik-jekemenshik seriktestik aıasynda júzege asyryldy. 

Jańa nysannyń saltanatty ashylýynan keıin jekpe-jek saraıynda dzúdodan Qazaqstan Respýblıkasynyń Prezıdenti N.Nazarbaevtyń kýbogyna arnalǵan halyqaralyq týrnır bastaldy.

Memlekettik hatshy oblysqa sapary barysynda memlekettik-jekemenshik seriktestik aıasynda salynǵan áleýmettik nysandardy aralady.

Sonymen qatar Gúlshara Ábdihalyqova «Nurly jer» baǵdarlamasy aıasynda salynyp jatqan turǵyn úı qurylysynyń jumystarymen tanysty.

Odan keıin memlekettik hatshy «Rýhanı jańǵyrý» baǵdarlamasynyń negizinde uıymdastyrylǵan «Týǵan jer» respýblıkalyq jerlester forýmyna qatysyp, quttyqtaý sóz sóıledi.