AQSH Sırıa arqyly Irak shekarasyn baqylaýda ustap, ony toqtatýǵa jol bermeýge tyrysýda, dep habarlaıdy Qamshy.kz aqparat agenttigi. Bul jaıynda Irannyń SİM basshysy Mohammad Djavad Zarıf málimdedi.

«Meniń oıymsha, búgingi tańda basymdylyqtar ózgergen. Qazir AQSH úshin DAISH terrorısterin jeńýge qaraǵanda Sırıa úkimetine Irak shekarasyn baqylaýda ustaýdy qalpyna keltirýge ruqsat bermeýi mańyzdyraq bolyp otyr», - deıdi ol.

Mınıstrdiń aıtýynsha, Iran Sırıadaǵy daǵdarys jaǵdaıynyń beıbit túrde sheshilýin qalaıdy jáne de AQSH-tyń ár túrli maqsattary bar.

«Biz Sırıaǵa bireýdi qoldaý úshin kelgen joqpyz, biz munda lańkestermen kúresý úshin keldik», - deıdi Zarıf.

Aıta keter bolsaq, Sırıadaǵy qarýly qaqtyǵystar 2011 jyldyń naýryz aıynan bastap jalǵasyp kele jatyr. AQSH bastaǵan koalısıa Irak pen Sırıada DAISH terrorısterine qarsy is-qımyldar júrgizýde. Sonymen qatar, koalısıa Sırıada bıliktiń ruqsatynsyz jumys isteýde.