Atyraýda jıeni men qaryndasyna azǵyndyq áreket jasap, zorlamaqshy bolǵan jigitke sot úkimi shyqty. Atalmysh isti oblystyq qylmystyq ister jónindegi mamandandyrylǵan aýdanaralyq soty qaraǵan. Bul týraly jergilikti atr.kz redaksıasyna oblystyq sottyń baspasóz qyzmeti habarlaǵan, dep jazady Qamshy.kz aqparat agenttigi.

Baspasóz qyzmeti málim etkendeı, bıylǵy jyldyń maýsym aıynda sottalýshy 5 jastaǵy jıeni men 13 jasar qaryndasy úıde jalǵyz qalǵanyn paıdalanyp, olardy qorqytyp sheshindirgen. Sóıtip, azǵyndyq sıpattaǵy áreketterdi tyrysqan. Al kezde qyzdar aıqaıǵa basyp, jylaı bastaǵan soń kishkentaılardyń ákesi úıge júgirip kirgen.

Atalǵan qylmystyq isti  qaraý barysynda sot alqasy sottalýshynyń kámeletke tolmaǵandarǵa qatysty seksýaldyq sıpattaǵy zorlyq-zombylyq áreketteri úshin kináli dep taný týraly sheshim qabyldady.

Nátıjesinde Qylmystyq kodekstiń 124-babynyń birinshi bólimine sáıkes qylmyskerge 10 jyl merzimge bas bostandyǵynan aıyrý jazasy taǵaıyndaldy. Sondaı-aq, sot úkimimen ol pedagogıkalyq jáne ózge de laýazymdardy atqarý quqyǵynan ómir boıyna aıyryldy.