Balqash kólinde iz-tússiz joǵalyp ketken balyqshylardyń týǵan-týystary Aqtoǵaı aýdany jáne Balqash qalasynyń turǵyndaryn izdestirý jumystaryna atsalysýǵa shaqyrady, dep habarlaıdy Qazaqparat-qa silteme berip Qamshy.kz. 24 qyrkúıekten beri balyqshylar - 20 jastaǵy Arman Borash pen Batyrhan Júnisovtar tabylmaı jatyr. «Qaıyǵy jáne basqa da jabdyqtary bar, bolyp jatqan oqıǵaǵa beı-jaı qarap otyra almaıtyn azamattardyń barlyqtaryn izdestirý jumystaryna atsalysýyn suraımyz», - deıdi tabylmaı jatqan Armannyń aǵasy Qabyl.

Qaraǵandy oblystyq TJ departamentiniń jedel-qutqarý jasaǵy izdestirýdi jalǵastyryp jatqanyna qaramastan, balyqshylardyń týǵan-týystary izdeý aýdanyn keńeıtip, izdestirýge jumyldyrylǵandardyń sanyn kóbeıtkisi keledi. Eske sala ketsek, eki jigit 24 qyrkúıek kúni tańerteń Balqash kólinde balyq aýlaý úshin «Progres-4» katerimen Tasaral aralynan ońtústikke qaraı 25 shaqyrym jerge attanǵan. Sol kúnnen beri balyqshylar habar-osharsyz ketken.