Atom energıasy boıynsha Halyqaralyq agenttik KHDR synaǵan bombanyń sýtekti bolǵanyn anyqtaı almaı otyr dep habarlaıdy Qamshy.kz aqparat agenttigi. Bul týraly agenttik basshysy Iýkıa Amano jýrnalıserge bergen suhbatynda aıtty.
«Bizde bombanyń sýtekti bolǵanyn anyqtaýǵa múmkindik joq. Desek te onyń aldyndaǵylarmen salystyrǵanda aýqymdyraq bolǵany anyq. Bul Soltústik Koreıanyń ilgerleýin bildiredi. Basqalarymen salystyrǵanda bul álemge tóngen qaýip» dedi Iýkıa Amano.
Osyǵan baılanysty BUU Qaýipsizdik keńesi biraýyzdan KHDR-ge jańa sanksıa salý týraly sheshim qabyldady. Bul BUU Qaýipsizdik keńesi tarıhyndaǵy eń qatal sanksıa boldy.
