Astanada sońǵy kúnderi qalanyń komýnaldyq qyzmetteri kúsheıtilgen tártipte jumys isteýge kóshti. Keshe táýlik ishinde qaladan 34 myń tekshe metrden astam qar shyǵaryldy dep habarlaıdy Qamshy.kz aqparat agenttigi.  Bul týraly Astana qalasy ákiminiń baspasóz qyzmetine «Astana Tazalyq» JSHS habarlady.

«Táýlik ishinde Astanada 34 227 tekshe metr qar shyǵaryldy. Sonyń ishinde, «Astana Tazalyq» JSHS 11 787 tekshe m, «Astana-kógaldandyrý qurylysy» AQ 2 159 tekshe m jáne merdiger uıymdarmen 20 281 tekshe m qar shyǵaryldy», - delingen habarlamada.

Joldardy tazalaý jáne qar shyǵarý jumystaryna 1345 tehnıka tartyldy, sonyń ishinde Almaty aýdanynda 557, Saryarqa aýdanynda 343 jáne Esil aýdanynda 445 tehnıka. Atap aıtqanda, sypyrý-jınaý mashınalary, trotýar jınaıtyn mashınalar, shnekorotorlyq tehnıka, qumtósegishter, avtogreıderler, qar tıegishter, frontaldyq tıegishter jáne samosvaldar.

Budan basqa, qardy qolmen jınaýǵa 1888 jol qyzmetkeri: Almaty aýdany boıynsha 845, Saryarqa aýdany boıynsha 560 jáne Esil aýdanynda 483 jumysker tartyldy.

Aıta keteıik, jumys kúnderi, demalys jáne mereke kúnderi qar shyǵarý jumystary táýlik boıy júrgiziledi.