Astana qalasyndaǵy turǵyn úı qurylysy nysandaryndaǵy keıbir merdigerlerdiń problemaly máseleleri, prokýratýra, quqyq qorǵaý organdary jáne basqa da memlekettik organdarmen ózara birlesip Astana qalasy ákimdiginiń janyndaǵy (ári qaraı VAK) turǵyn úı qurylysyna úlestik qatysý máselesi boıynsha vedomstvoaralyq komısıanyń baqylaýynda tur, dep habarlaıdy Qamshy.kz aqparat agenttigi elorda ákimdiginiń resmı saıtyna silteme jasap.

VAK múshelerine nysan qurylysyn aıaqtaýda merdigermen birlesip zań aıasynda áreket jasaýy qarastyrylǵan jáne onyń árqaısysyna keshendi is-shara anyqtalǵan.

Eger merdigerdiń tarapynan eshqandaı jumys jasalmasa, úleskerlerge qurylysty ózderi aıaqtaý úshin turǵyn úı-qurylys kooperatıvin quryp, nysandy kooperatıvke berý týraly sot isin júrgizýge keńes beriledi. VAK jumysynyń aıasynda Astana qalasy prokýratýrasy 41 aryz-shaǵymdy qanaǵattandyryp, qurylysty ózderi aıaqtaý úshin zardap shegýshiler ózderi qurǵan turǵyn úı-qurylys kooperatıviniń múddesine sheshildi.

VAK jumysynyń aıasynda ýaqytynda paıdalanýǵa berilmegen jáne alǵan baspanany rásimdeý múmkin bolmaǵan úılerge qatysty kóptegen aryz-shaǵymdardyń arqasynda qurylys nysandaryn aıaqtaý sheshimin tapty.  Oǵan, problemaly myna nysandar kiredi: «Monblan» TK, «Mırnyı» TK, «Saryarqa» TK, Abylaıhan dańǵylyndaǵy 4 mansardty etaj, «Ýıýt 19» TQK TK merdigeri, Abaı dańǵylyndaǵy TK «Alıa Astana" TQK, «Mıras» TK, B.Momyshuly dańǵylyndaǵy «NIPI Genplan» JSHS merdigeri TK, Sembınov kóshesindegi «Jan Nur» TQK merdigeri TK, «Túrkistan» TK, Sátpaev 5/1 kóshesindegi turǵyn úı, «Izobılıe» TK,  «Aııa» TK, «San Sıtı» TK, Tilendıev dańǵylynyń oń jaqtaǵy Sarybulaq boıyndaǵy TK, «Kakadý» TK, «Garmonıa» TK, «Ómir» TK, «Tumar» TK, «Aısanam» TK jáne t.b.

VAK-tyń birlesip áreket etýiniń nátıjesinde joǵaryda kórsetilgen nysandardyń 380 myń sharshy metri paıdalanýǵa berilip, 6370 adam páterli boldy.

Úlestik qurylysta negizgi másele – ruqsatsyz úleskerlerden ausha tartý, merdigerlerdiń óz mindetin oryndamaýy, qarjyny maqsatsyz paıdalaný.

Alaıaqtyq faktileri men zańsyz kásipkerlikpen aınalysqan fakti boıynsha qurylys kompanıa basshylaryna qatysty 31 qylmystyq is qozǵaldy, nátıjesinde 37-den asa kompanıadaǵy laýazymdy tulǵalar sottaldy, arasynda («Azbýka jılá», «Tólendi» TQK, «Al Barakat» JSHS, «OralDızaınStroıServıs» JSHS,  «Tamiz invest group»  AQ jáne t.b. kompanıanyń basshylary bar).  

Budan basqa, VAK músheleri prokýratýramen birge úlestik turǵyn úı qurylysy salasynda buzýshylyqtyń bolmaýyn azamattardyń shaǵymdanýyna qarap monıtorıń jasaý arqyly aldyn alýda. Baspana salamyz degen merdigerler tıisti ruqsaty bolmasa da úleskerlerden (BAQ, ınternet resýrs, banner jáne qorshaýlar arqyly) aqsha tartqan faktiler boıynsha quqyq qorǵaý organdaryna qylmystyq jaýapkershilikke, sondaı-aq ákimdiktegi ókiletti organdarǵa da ákimshilik jaýapkershilikke tartý úshin hattar joldandy.

Áleýmettiń narazylyǵyn týdyrmas úshin jáne úleskerlerdiń máselesin sheshý úshin VAK ákimdikpen, QR Úkimetimen jáne ortalyq memlekettik organdarmen birlesip, «Nurly jer» turǵyn úı qurylysy baǵdarlamasy aıasynla problemaly nysandardyń qurylysyn aıaqtaý týraly usynys tastady.

Qazirgi tańda VAK  Baǵdarlamaǵa qatysý úshin qarastyrǵan 39 problemaly nysannyń aldyn ala tizimi anyqtalyp, (astana.gov.kz) Astana qalasy ákimdiginiń saıtyna jarıalandy. Tizimge sákes, árbir problemaly nysan keste boıynsha jeke-jeke qaralady.

Jalpy, VAK jumysy problemaly qurylysty aıaqtaý jóninde jáne úleskerlerdi baspanamen qamtýda aıtarlyqtaı jemisti eńbekter atqarýda. Mysaly, VAK jumysynyń qoldaýymen eki – «Arabı-1» men «Venskıı kvartal» turǵyn úı keshenderi paıdalanýǵa berildi.

Sondaı-aq, VAK músheleri Astana ákimdigimen birlesip úleskerlerdi qoldap, jármeńke ótkizdi. Ondaǵy maqsat – problemaly baspanalardyń bitpeı qalǵan qurylysyn aıaqtaý úshin áleýetti ınvestorlar tartyp, qurylys nysanyn qarjylandyrý.

Jármeńkege qurylys mekemeleri men sheteldik kompanıalar da qatysty. Ótkizilgen jármeńkeniń nátıjesi boıynsha («Skaı sıtı» TK, «Baıtaý» TK, «Alǵa samal» TK t.b.) qurylys nysandaryn aıaqtaý týraly kelisimge qol jetkizdi.