Baıaǵyda bir aýylda óte momyn, ynjyqtaý bir adam ómir súripti. Aýyldastyń bári kóre qalsa ájýa etedi eken. Ynjyǵymyz murnyn bir tartyp, yrjıyp otyra beredi... Taqymy ne atqa, ne áıelge tolyp kórmegen sol sorlydan bir kórshisi járdem surapty: - Ýa, Báke, alystaǵy aǵaıynǵa habarshyǵa jibergenge balanyń yńǵaıy bolmaı turǵany... Onyń ústine bala jiberip shaqyrtty dep týys ókpeler... Siz baryp qaıtsańyz -deıdi. Jaıaý adamǵa eki kúndik jerdegi aýylǵa ynjyqtyń barǵysy kelmeı qıp
aqtap turǵanyn kórip: -Oı, Báke, sizdeı azamatty jaıaý jiberedi deımisiz -dep kópshik qoıady. Sóıtip ynjyǵymyz qopańdap at ústinde kete beripti. Qyzyqtyń kókesi Ynjyq keri oralǵaknda bopty. Kúni boıy at ústinde júrip, aıdarynan jel esken Bákeń aýylǵa kirgende eldiń bári saýsaq shoshaıtyp kúle bastaıdy. -Oı, ana Ynjyqty qara, h-h-h! -Óıbý, Ynjyq jezdem adam bopty, eı, ha-ha-ha! Osy sátte Ynjyq atyn tebinip, kúlip turǵandarǵa umtylady. Ynjyǵyń aıaq asty kúndeı kúrkirep shyǵa kepti: -Óńsheń haıýan! Qamshymen tartyp jibereıin be?! Ákeń-shesheńdi...!!! Qaǵytyp turǵan jigitterdiń óńi buzylyp sala beredi. Tura umtylyp ynjyqty attan julyp almaq edi árirekte qyzyqtap turǵan bir qarıa basý aıtypty: -Áı, tımeńder! O baıǵusty elirtip turǵan attyń jeligi ǵoı. Attan túsken soń basylady, qalpyna keledi! Atqa minip, ómirinde birinshi márte eldiń tóbesinen qarap kórgen Bákeńniń qıalynda ata-babasynyń han, batyr bolǵany sekildi talaı qıal oıanyp, jeligip alǵan eken?! PY.SY. Kesheli beri osy mysal oıymnan shyqpaı júrgeni. Biraq munyń Birǵanym degen bir hanymnyń nesıe týraly aıtqanyna esh qatysy joq. O kisilerdiń at ústinde júrgenine kóóóp boldy ǵoı.(Serik Ábikenniń feısbýktegi paraqshasynan)
