«31 arna»  qazaqtyń ıisi burqyrap shyǵatyn telearnaǵa aınaldy. Qazir arna kontentiniń 60-70 paıyzy qazaq tilinde. Qolymyzdan kelgenshe qazaq tilindegi baǵdarlamalardyń sany men sapasyn arttyrýǵa kúsh salyp jatyrmyz. Birinshiden, bul telearna – bizdiń kózqarasymyz ben ómirlik ustanymdarymyzdyń kórinisi. Ekinshiden, komersıalyq arna bolǵandyqtan, tutynýshy úshin kúresti toqtatýǵa bizdiń qaqymyz joq. Jyl saıyn Qazaqstandaǵy qazaqtardyń sany 2-3 paıyzǵa artyp keledi. Elimizdegi kórermenderdiń basym bóligi – qazaqtar. Al qazaqqa aqparatty qazaqsha usynbaǵanda qaı tilde usynamyz? Úshinshi sebep – zań. Buqaralyq aqparat quraldarynyń tiline qoıylatyn talap elimizdiń eki birdeı zańynda kórinis tapqan: QR «Til týraly» zańynda jáne «Teleradıo habarlaryn taratý týraly» zańynda. Memleketimiz bir orynda turǵan joq, ekonomıkalyq áleýeti de, demografıalyq qýaty da artyp keledi. Memlekettik tildiń damýy da sol qarqynǵa saı bolýy kerek. Sondyqtan úkimet halyqty úrkitip-qorqytpaı, qysym jasamaı, qazaq tiliniń qoldanys aıasyn satyly túrde keńeıtý baǵytyn ustanyp otyr. Progreske qol jetkizýdiń ádis-tásilderi memlekettiń damý modeline qaıshy kelmeýi kerek. Biz osy qaǵıdany basshylyqqa ala otyryp, qazaq tiliniń áleýetin kóterýge, qazaqtildi kórermenniń qataryn arttyrýǵa úles qosyp kelemiz. Qazaqpen bıznes jasaýǵa bolatynyn da qolymyzdan kelgenshe dáleldedik dep oılaımyn.

(Baǵdat Qojahmetovtiń "Túrkistan" gazetindegi suhbatynan)