Búgin úkimet basshysy Baqytjan Saǵyntaev Reseıdiń Qazaqstandaǵy tótenshe jáne ókiletti elshisi Alekseı Borodavkınmen kezdesý ótkizdi, dep habarlaıdy Qamshy.kz aqparat agenttigi primeminister.kz saıtyna silteme jasap.

Kezdesý barysynda Qazaqstan men Reseı arasyndaǵy ekijaqty jáne ıntegrasıalyq ózara is-qımyl, óńiraralyq jáne shekara boıyndaǵy yntymaqtastyq, saýda-ekonomıkalyq jáne mádenı-gýmanıtarlyq salalardaǵy seriktestikti keńeıtý máseleleri talqylandy.

Baqytjan Saǵyntaev Alekseı Borodavkındi Reseı Federasıasynyń tótenshe jáne ókiletti elshisi qyzmetine taǵaıyndalýymen quttyqtap, joǵary jáne jaýapty laýazymda tabystar men jetistikter tiledi jáne bul taǵaıyndaýdyń Qazaqstan-Reseı yntymaqtastyǵyn nyǵaıtýǵa jáne damytýǵa yqpal etetinine senim bildirdi.

Alekseı Borodavkın Reseıdiń Qazaqstandaǵy tótenshe jáne ókiletti elshisi bolyp 2018 jyldyń aqpanynda taǵaıyndaldy. Ol buǵan deıin Qazaqstanda 11 jyl jumys istegen Mıhaıl Bocharnıkovti almastyrdy.