«Habar» telearnasy «1 mamyr - Qazaqstan halqynyń birligi» kúnine oraı merekelik efır ázirledi.  Meıram kúnderi arna kórermenderi qyzyqty baǵdarlamalar men konserttik jobalar, kórkem jáne derekti fılmder tamashalaıdy dep jazady Qamshy.kz aqparat agenttigi. 

30 sáýir kúni saǵat 10.30-da qazaq kınosynyń altyn qoryndaǵy jaýhar týyndylarymyzdyń biri «Taqıaly perishte» jáne 1 mamyr kúni 10.30-da «Shabandoz qyz» kartınalary kórsetiledi.

Sondaı-aq 30 sáýir kúni saǵat 14.00-de rejıser Rústem Ábdirashovtyń «Almas qylysh. Qazaq handyǵy» fılmi, keshki saǵat 19.30-da Berik Aıtjanov pen Jerar Deparde basty rólderdi somdaǵan, rejıser Ermek Shynarbaevtyń «Dala daýysy» týyndysy kórermen nazaryna usynylady.

30 sáýir kúni saǵat 21.30-ǵa Elbasy Nursultan Nazarbaevtyń qatysýymen ótken «1 mamyr - Qazaqstan halqynyń birligi»kúnine arnalǵan merekelik konsert josparlanǵan.  

1 mamyr kúni saǵat 15.40-ta Slambek Táýekeldiń «Jeruıyq» fılmi beriledi. Dramada náýbet jyldarynda Qazaqstanǵa Qıyr Shyǵys, Povoljá, Kavkaz óńirlerinen jer aýdarylǵan halyqtardyń taǵdyry, olardyń bastan keshken qıyn-qystaý kúnderi men qazaq halqyna degen alǵysy  sýrettelgen.

Mereke kúnderi 40 jylǵa jýyq halqyn ánge bólegen, qazaq óneriniń daraboz ánshisi Nurlan Ónerbaevtyń «Júrektegi kóktem» atty án keshi (1 mamyr, 17.30), sondaı-aq  qazaq válsiniń koroli Shámshi Qaldaıaqovtyń «Kóktem áni» atty shyǵarmashylyq keshi de kórsetiledi (1 mamyr, 21.30). Aıta keteıik, jýyrda ǵana Shámshi Qaldaıaqovtyń buryn-sońdy estilmegen, esh jerde oryndalmaǵan jańa áni tabyldy. Bul - «Kóktem áni» shyǵarmasy. Kompozıtordyń shyǵarmashylyǵyna arnalǵan keshte osy án alǵash ret oryndalyp, «Habar» arnasynyń kórermenderi efırlik nusqasyn birinshi bolyp kóredi.