Balýan Meırambek Aınaǵulovqa úmit artqanyn jasyrmaǵan Berdibek Saparbaev onyń qola medal taqqanyn qynjylyspen jetkizdi. Oblys basshysy óńirdegi sporttyń tómen deńgeıde damyp jatqanyna kúıinip otyr dep jazady Qamshy.kz aqparat agenttigi Aktobenews.kz saıtynyń deregin negizge alyp.
Búgin Aqtóbe oblysy ákiminiń tóraǵalyǵymen óńirdegi sporttyń damý máselesi qaraldy. Berdibek Saparbaev sport bólimi men federasıa basshylaryn aıamaı sókti.
«Úsh jyldyń ishinde bir emes, birneshe ret kezdestik. Biraq talaı aıtylsa da, ókinishke qaraı, sporttaǵy jetistikterimiz óte nashar. Sońǵy úsh jyldyń ishinde Olımpıada oıyndary qataryna kiretin sporttan bir de bir álem ne Azıa chempıony joq!», — dedi oblys basshysy.
Berdibek Saparbaev sońǵy Azıa oıyndarynyń nátıjesine rıza emes. Aqtóbe Qazaqstan boıynsha sońǵy orynda tur.
«Azıa oıyndaryna byltyr 4, osy jyly 8 sportshy jiberdik dep maqtanamyz. Aınaǵulovqa úmit arttyq, biraq ol qola aldy. Júzýshimiz aqtyq topqa da kirmedi. Mine, bizdiń jumysymyzdyń nátıjesi!», — dedi oblys ákimi.
Berdibek Mashbekuly sportshylardyń iriktelýine toqtap, ondaǵy ádil tańdaýǵa kúmán bildirdi.
«Jarystarǵa «blatpen» baratyn sıaqty. Eger jaqsy sportshylar iriktelgende, mundaı nátıje bolmas edi. Ár túrli oqý jattyǵý jıyndaryna mıllıondaǵan aqsha bólinip jatyr. Biraq sol jıyndardyń bir de bir qatysýshysy Qazaqstan, Azıa chempıonattarynda oryn almaıdy. Jıynǵa 30 adam qatysty dep esepte jazady. Biraq shynymen odan da az adam qatysady. Bir sózben aıtqanda, sportqa bólinip jatqan qarajatymyz ben kóńilimiz aqtalmaı jatyr», — dedi Berdibek Saparbaev.
Pikir qaldyrý