Búgin tańǵy saǵat 07:00 shamasynda Shymkentte jantúrshigerlik jol apaty boldy. T.Rysqulov pen Adyrbekov kósheleriniń qıylysynda úsh kólik soqtyǵysty dep jazdy Qamshy.kz aqparat agenttigi QazAqparat saıtynyń deregin negizge alyp.
Kýágerlerdiń sózinen belgili bolǵandaı, «Djentra «avtokóliginiń júrgizýshisi «Eýrazıa» bazaryna qaraı burylǵan. Dál sol sátte oǵan Gıperhaýs jaqtan kele jatqan «Mersedes» kóligi kelip soǵylǵan. «Djentra» qatty soqqynyń saldarynan shetke ushyp ketip, jaıaý júrginshiler jolymen ótip bara jatqan balaly áıeldi soqqan. Oqıǵa saldarynan kelinshek pen omyraýdaǵy balasy kóz jumdy.
«Djentra» ekpinimen toqtaı almaı birneshe metr jerdegi «Opelge» soǵylǵan. Onyń jolaýshylary kólikten shyǵyp ketken, salondaǵy júrgizýshisi qatty soqydan esten tanyp qaldy.
«Djentra» kóliginiń júrgizýshisi oqıǵa ornynda qaza tapty. Al basqa zardap shekkenderge medısınalyq kómek kórsetildi.
Pikir qaldyrý