Barshańyzdy Qazaqstan Respýblıkasynyń Konstıtýsıasy kúnimen shyn júrekten quttyqtaımyn!
Qazirgi tańda búkil álem Qazaqstandy damyǵan, aldyńǵy qatarly memleket retinde tanıdy. Ýaqyt ótken saıyn eńsemizdiń bıiktep, irgemizdiń bekı túskenin ózimiz de ańǵaryp júrmiz. Osynaý júıeli damýdyń basty sebebi Táýelsizdik bolsa, sol Táýelsizdiktiń senimdi kepili – Konstıtýsıa!
Bizdiń búgingi Ata Zańymyz tarıhymyzda Qasym hannyń «Qasqa joly», Esim hannyń «Eski joly» jáne Áz-Táýkeniń «Jeti Jarǵysy» degen atpen belgili zańdar jınaǵynyń laıyqty jalǵasy. Elimizdiń basty qujaty 23 jyldyń ishinde óziniń ómirsheńdigin dáleldep, beıbitshilik pen turaqtylyqtyń berik irgetasyna aınaldy. Sonyń nátıjesinde biz osy jyldarda shyn máninde zań aıasynda ómir súretin egemen el bolyp qalyptasýdamyz.
Aldymyzda turǵan endigi mindet – osy eldigimizdiń tuǵyryn bıiktetip, eń damyǵan 30 eldiń qataryna qosylý. Sol jolda barshańyzǵa tabys tileımin! Táýelsizdigimizdiń altyn tumaryndaı bolǵan Ata Zańymyz qabyldanǵan kún qutty bolsyn! Táýelsiz Qazaq eli jasaı bersin!
Máýlen Áshimbaev
