Qymbatty otandastar!

Barshańyzdy Qazaqstan Respýblıkasynyń Konstıtýsıasy kúnimen quttyqtaımyn!

Elimizdiń Ata zańy ýaqyt synynan súrinbeı ótip, tarıhı damýymyzdyń jalpyulttyq baǵdaryn aıqyndaýda basty mánge ıe bolyp otyrǵanyn dáleldedi.

Konstıtýsıa memlekettiligimizdiń berik irgetasyn qalaı otyryp, ishki saıası turaqtylyqty qamtamasyz etýge jáne Qazaqstan qoǵamyn biriktirýge zor úles qosty.

Ata zańymyzda jarıalanǵan zań ústemdigi, quqyqtar men bostandyqtardyń múltiksiz saqtalý qaǵıdattary, áleýmettik kepildikter men jalpy adamzatqa ortaq joǵary qundylyqtar árbir azamattyń janyna jaqyn ári túsinikti.

Qazirgi kezeńdegi qoǵamdyq jáne memlekettik qurylystyń konstıtýsıalyq normalary – búkil Qazaqstan halqy úshin senimdi bolashaqty qamtamasyz etetin dáıekti damý men jańǵyrý úderisteriniń negizi!

Osy merekege oraı barsha qazaqstandyqtarǵa beıbit ómir, ıgi bastamalar men baq-bereke tileımin!