Prokýror dárigerlerdiń jumys kabınetinde namaz oqýy namazhanany zańsyz uıymdastyrý bolyp tabylatynyn sotta dáleldeı almady dep jazady Qamshy.kz aqparat agenttigi sputniknews.kz saıtynyń deregin negizge alyp. 

Kókshetaý ákimshilik soty quqyq buzýshylyqtyń bolmaýyna baılanysty namazhan dárigerge qatysty isti toqtatty, sebebi oblystyq aýrýhana memlekettik mekemege jatpaıdy.

Prokýratýra  Qazaqstan Respýblıkasynyń "Halyq densaýlyǵy jáne densaýlyq saqtaý júıesi týraly" kodeksine sáıkes memlekettik sektor memlekettik menshikke negizdelgen uıymdardan turatynyn, oǵanAqmola oblystyq aýrýhanasy da kiretinin alǵa tartyp, narazylyq bildirdi.  

Proses kezinde dáriger K. jumys júktemesine baılanysty barlyq dáriger demalatyn bólmede namaz oqıtynyn túsindirdi. Aýrýhanada keńesýge arnalǵan ordınatorlyq bólme bar. Dárigerdiń eki kýágeri namazdy meńgerýshiniń bólmesinde nemese ordınatorlyq bólmede oqıtynyn aıtty.

Apelásıalyq sot dárigerlerdiń keńsede oqyǵan namazyn namazhana uıymdastyrdy dep qarastyrýǵa bolmaıdy jáne jergilikti atqarýshy organdarda tirkeý qajet emes dep tapty.

Sot Kókshetaý ákimshilik sotynyń sheshimin kúshinde qaldyrý týraly qaýly shyǵardy.