Osydan birneshe kún buryn Grýzıada prezıdenttik saılaýdyń qorytyndysy shyqqany belgili. «Grýzın armany» partıasynyń atynan synǵa túsken Salome Zýrabıshvılıden keıingi oryndy alǵan Grıgol Vashadze «eger prezıdent bolsa, Mıhaıl Saakashvılıdiń elde erkin júrýine ruqsat beretinin» aıtqan.
30 qarasha kúni el astanasyna kelip, óziniń opozısıalyq jaqtastaryna qoldaý kórsetkisi kelgen Mıhaıl Saakashvılı alaıda eshkimniń aldyna barmaıtynyn málim etti.
–Men qazirgi prezıdent Margvelashvılıdiń de aldyna baryp tize búkpeımin. Eshkimnen de keshirim suramaımyn, Eger saılaýǵa túsip jatqan opozısıanyń kandaıdaty Vashadze prezıdent bolsa da, onyń aldyna barmaımyn. Men zańdy jolmen óz quqymdy qorǵaǵym keledi. Múmkin, qazirgi bılik meni bireýmen shatastyryp júrgen bolar. Grýzıadan keterde eshteńeni alyp ketken joqpyn, barlyǵyn da Prezıdent kitaphanasyna tapsyryp kettim. Sondyqtan qorqatyn dáneńem joq.
♦Saakashvılı Grýzıaǵa qaıta oraldy. Endi el taǵy búline me? (vıdeo)
Meniń oıymsha, burynǵy sottalǵan sheneýnikterdiń barlyǵy da bostandyqqa shyǵýy qajet. Biraq olardyń saıasatqa qaıta oralǵanyn qalamaımyn. Óıtkeni olar densaýlyǵyn túzegeni abzal. Al saıasatqa adal adamdardyń kelgeni durys. Barlyǵy da «ultshyldar bılikke keledi» dep jatyr. Meniń oıymsha, taza adamdardyń kelgeni jón.
Men Grýzıaǵa oralǵanymmen, qandaı bir laýazymǵa talaspaımyn. Biraq óz pikirimdi ashyq aıtamyn, eshkim de meni qorqyta almaıdy»,– dedi Grýzıanyń burynǵy prezıdenti Mıhaıl Saakashvılı.
Saakashvılıdiń bulaı deýiniń jóni bar. Óıtkeni qazirgi bılik «jemqorlyqqa qatysy bar» dep oǵan aıyp taqqany belgili. Sondyqtan eks-prezıdent aldaǵy saılaýdan keıin bılikke jańa adamdar kelse, ózin aqtap alǵysy keletinin aıtyp otyr.
♦Nazarbaev Saakashvılıdiń qolyna qamshy ustata ma?
Eskerte ketetin bir jaıt, eldiń jetekshi partıasy «Grýzın armany» partıasy qoldap otyrǵan Salome Zýrabıshvılıdiń 38,64 paıyz daýys alǵany belgili. Al opozısıanyń atynan túsken Grıgol Vashadzege halyqtyń — 37,74 paıyzy daýys berdi. Endi ekinshi týrdyń saılaýy 2 jeltoqsan kúni ótetin boldy.
