«Aq jol» fraksıasy Prezıdenttiń Joldaýyna súıene otyryp, Úkimetke «Bıznestiń jol kartasy» quraldaryn keńeıtýdi usynady. Onda jańa qurylǵylardyń, tarıfterdiń baǵasyn sýbsıdıalaý kirmek. Azat Perýashev osyndaı mazmundaǵy hatty premer-mınıstr Baqytjan Saǵyntaevqa joldady.
Másele Prezıdenttiń buǵan deıingi Joldaýyndaǵy «Bıznestiń jol kartasy» baǵdarlamasy aıasynda bolyp otyr.
«Aq jol» fraksıasynyń málimdeýinshe, ba baǵdarlamanyń ishinde dál osy «Bıznestiń jol kartasy» tıimdi ári bıznes salasynda suranysty talap etedi. Fraksıa depýtattaryna atalmysh baǵdarlamany qarjylandyrý aıasyn keńeıtýdi usynyp ótinish jasaǵandardyń qatary kóp bolǵan. Al 3 qańtarda «Bıznestiń jol kartasy» baǵdarlamasyn qarjylandyrý prosesi toqtap qalǵan. Osyǵan oraı depýtattar baǵdarlamany qarjylandyrýdy 13 mıllıard teńgege ulǵaıtýdy usyndy.
«Sol sebepti qosymsha besjyldyq pen baǵdarlamany qarjylandyrý jospary Prezıdentke eń ońtaıly tásilmen jetkizildi. Nursultan Nazarbaev ta bul máselege beı-jaı qaramaıtyny anyq, iskerlik turǵydan baǵdarlamaǵa jylyna 30 mıllıard teńge bólip, 22 myń jańa jumys orny qurylady, memleketke ájepteýir tabys keletin bolady», - delingen hatta.
Buǵan qosa «Aqjoldyqtar» baǵdarlamaǵa qatysty quraldardy, jalpy joǵaryda atalǵan bıznestiń nesıelerin sýbsıdıalaýdy qysqartý týraly memlekettik organdardyń usynysyna alańdaýshylyq tanytyp otyr.
«Biz sheneýnikterdiń kásipkerlik turǵysynyń túsinispeýshilikterinen týǵan usynystardyń qabyldanbaýy úshin mundaı faktilerge tap bolmaýdyń joldaryn qarastyramyz. «Aq jol» partıasy Elbasynyń Joldaýyna súıene otyryp, kerisinshe, Úkimetke «Bıznestiń jol kartasynyń» quraldaryn keńeıtý týraly usynys tastaıdy» , - dedi Azat Perýashev jýrnalıserge bergen suhbatynda. Onyń oıynsha, bank nesıelerin emes, kásiporyndy modernızasıalaý úshin qajetti tehnıka men jabdyqtardyń sýbsıdıalaǵan áldeqaıda tıimdi.
Sonymen qatar fraksıa basshysy sheteldik bızneske «ushyp jatqan» aqshany synady. 2017 jyly 23 qazandaǵy búdjetti talqylaǵanda Bizdiń ishki naryqtan shetelge 40 mıllıard dollar ketken eken. Al Perýashev sol qarjyny memleketke qoldaý retinde qazaqstandyq kásiporyndarǵa, kásipkerlerge bólýdi tapsyrdy.
Memleket basshysynyń Joldaýynyń ózi osy máseleni sheshýge shaqyrady. Aıaq kıim, tis shetkasy, mektepke qajetti qalam-qaryndashtar syndy qarapaıym zattardy óndirý arqyly ár qala men aýdan ortalyqtaryndaǵy sheberhanalar men sehterde bar jabdyqtar men bastapqy kishigirim kapıtaldy retteýge múmkindik týady.
«Bıznesti damytýdyń basty baǵytynyń biri logıstıkaǵa kóp kóńil bólý», - dedi «Aq jol» basshysy.
Osyǵan baılanysty Elbasynyń Joldaýynda monopolıserdiń shynaıy tarıfterine de kóńil bólý kerektigi týraly aıtylǵandyǵyn eskertti. Aýyl sharýashylyǵy salasyndaǵy jylydaı basshylary da, óndiris kásiporyndarynyń basshylary tarapynan da fraksıaǵa tarıfterge qatysty aryz túsirgender kóp boldy. Onyń ústine mundaı tarıfterdi sýbsıdıalaýdy kórshilerimiz budan buryn-aq bastap ketken, bul proses óndiristiń damýyna septigin tıgizdi.
Hatta belgilengendeı, Joldaýdaǵy talapqa sáıkes, «Bıznestiń jol kartasy» aıasynda halyqaralyq franshızany ulttyq qoldanystaǵy taýarlardy óndirý brendine paıdalaný kerek. Azat Perýashev eýropalyq elderdiń mysalynda memlekettik qoldaýdy usynatyn jetekshi halyqaralyq franshızalardyń tizimin bekitý úshin Úkimetke usynys jasady. Mundaı usynysty depýtat 2017 jyldyń 1 aqpanynda jibergen.
Fraksıa, joǵarydaǵy pozısıalardyń Prezıdenttiń Jolaýyna sáıkes, «Bıznestiń jol kartasy – 2025» baǵdarlamasyn júzege asyrýda paıdasy tıedi dep úmittenedi.
