Qazaqstan Respýblıkasy Mádenıet jáne sport mınıstrligi Til saıasaty komıteti Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy QR Ulttyq akademıalyq kitaphanasynda «Til-qazyna» respýblıkalyq aqparattyq-tanymdyq gazetiniń tusaýkeserin ótkizdi, dep habarlaıdy Qamshy.kz aqparat agenttigi.
Elimizde QR Prezıdenti N.Á.Nazarbaevtyń 19 aqpandaǵy №637 Jarlyǵynda bekitilgen latyn negizdi qazaq álipbıin nasıhattaıtyn jáne jańa álipbıge qatysty aqparatpen, tanymdyq materıaldarmen bólisetin jańa álipbıde jaryq kórip otyrǵan tuńǵysh basylym – «Til-Qazyna» respýblıkalyq aqparattyq tanymdyq gazetin qalyń oqyrmanǵa tanystyrdy. Aıyna eki ret jarıalanatyn gazettiń mazmunyn, onyń jańa álipbıge kóshý kezeńindegi mańyzyn túsindirdi.
«Til-Qazyna» respýblıkalyq aqparattyq tanymdyq gazeti A3 formatynda shyǵady. Gazet 8 betten turady.
Shara barysynda QR Mádenıet jáne sport mınıstri Arystanbek Muhamedıuly arnaıy qatysyp, gazet ujymyn jáne uıymdastyrýshylardy quttyqtady. Sonymen qatar ǵalymdar Myrzataı Joldasbekov, Sultan Orazalın, jazýshy Tólen ábdik, qoǵamǵa tanymal azamattar Erlan Saıyrov, Muhtar Taıjan syndy zıaly qaýym ókilderi qatysyp, quttyqtaý sózin sóıledi. Gazettiń aldaǵy ýaqyttaǵy baǵyty talqylanyp, búgingi qoǵamnyń kún tártibinde turǵan emle máseleleri jaıynda usynys-pikirler tyńdaldy. Alǵashqyda gazet aıyna eki márte 3 myń tırajben shyǵady. Oqyrman gazettiń onlaın nusqasyn Sh. Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń resmı saıtynda oqı alady.
Gazet tanystyrylymy barysynda ótken ǵasyrda latyn álipbıinde jaryq kórgen qazaq basylymdarynyń tarıhyna sholý jasalyp, latyn grafıkasyndaǵy qazaq tili álipbıine kóshý kezeńderinde júrgizilip jatqan jumystar barysy pysyqtaldy.
Sharaǵa QR parlamenti májilisiniń depýtattary, zıaly qaýym ókilderi, Mınıstrlik qyzmetkerleri, tiltanýshy ǵalymdar jáne BAQ ókilderi qatysty.
