Bollıvýdtyń akteri Amıtabh Bachchan Ýttar Pradesh shtatyndaǵy 1398 aýyldasynyń qaryzyn jaýyp beripti. $560 mln somany ıgi maqsatta jumsaǵan talantty tulǵanyń bul áreketi shetel jýrnalıseriniń nazaryna tústi. Atap aıtqanda BBC saıty kóldeı bir maqalany Amıtabhtyń qaıyrymdylyǵy men qarapaıymdylyǵyna arnady.

Belgili bolǵandaı, 1995 jyldan beri 300 000 fermer qıyndyqqa tótep bere almaı, qaryzǵa belshesinen batyp, óz ómirlerin qıǵan. Qurǵaqshylyq, ónimdiliktiń jetispeýshiligi, modernızasıanyń joqtyǵy olardy osy qadamǵa barýǵa májbúrlegendeı. Osyny jaqsy biletin Amıtabh Bachchan sonymen qatar Mýmbaıdyń Maharashtra shtatyndaǵy 350 fermerdiń nesıesin tólep bergen. Fermerlik jerlerge baılanysty daýlarǵa da belsene aralasqan bolatyn.

$560 mln somany ulttyq banktiń ıeligine ótkizgen akter keıinirek jerlesterimen jolyǵyp, qaryzdary joq ekendigin rastaıtyn qujatty qoldaryna tapsyratynyn aıtypty.

Jasy 76-ǵa kelse de qoǵamdyq ómirden alystamaǵan Bachchannyń tek qana akter emes, óz elin, jerin sheksiz súıetin Úndistannyń súıikti uly ekendigin moıyndaýǵa negiz bar.