Qursaǵynan  qatal bop túsippe edi, Kózin ashpaı jatyp-aq kúshik-Bóri. Enesiniń baýyryn tyrmalaıdy, Kókbóriniń kóktarǵyl kúshikteri.   Tóńirektiń bárine eti ólgen soń, Aınalsoqtap uzamaı mekennen sol. Kúni-túni mańaıyn timtinedi, Kózin ashyp baýyryn kótergen soń.   Synaǵynan keı kúni óte almaı júr, Anasyna boıy da jete almaı júr. Ońyn-solyn tanymaı arsalańdap, Apanynan alysqa kete almaı júr.   Qozyny ákep óristen tartyp soǵyp, Enesi otyr jotany baǵyp sholyp. As ǵyp jerde álgini qomaǵaılar, Ojar minez ozbyry artyq soǵyp.   Jetpegenmen túıege atqa hali, Kishigirim buzaýǵa qaptal áli. Biri alqymnan jabysyp biri aıaqtan, Jalma-janda tur bári qaptaǵaly.   «Qasqyr týar qasqyrdan» sóz bar munyń, Dálelindeı baıqalmaı enjarlyǵy. Ashýlansa azýyn aqsıtatyn, Atasynan da artylar «Kókjaldyǵy».

Men bir beıbaq kók aspan astyndaǵy, Kún kórisim –bir asar astyń qamy. Eki aıaqty pendeniń  kóńilinde, Jalǵyz oıy- bir maǵan qas qylmaǵy.   Kókten tilep júrsem de nesip aldyn, Qaraýylyna iligem esi bardyń. Táńirimniń buıyrtqan asyn jermin, Odan ózge pendeniń  nesin aldym.   Teksiz tiri «ıt qus» dep bezinedi, Kıeliniń kóredi kózi meni. Atym ańyz Bórimin Al sondyqtan , Qaıda barsam qazǵan kór kezigedi.   Jazylǵan ba jazmyshtan betke kúnám, Tula boıym tutady kekke tulan. Qıa bassam qusaly kúı keshemin, Jerde- qaqpan ,taýda-ańshy , Kókte-qyran.   Arandasam da azýmen shaınap birdi , Seskense de sesimnen aımaq kúlli. Jerik jandar túsimde toptarymen, Júregimdi tirideı shaınap turdy.   Qýanyshqa yzaly aýysyp án, Qan jutady  Kókshýlan, saý, ishi qan. Som júregim qaıǵyryp,túrshigedi, Qoldy bolǵan bóltirik daýysynan.   Kek kernegen boıymdy jara ǵyp kil, Kókjıegin kóńilim nala ǵyp qur. Sodyrlarmen  soǵysta janym qalyp, Kókiregimnen ashýdyń qany aǵyp tur.   Jazylǵandaı kún emes, baǵyma tún, Salaýatyma soıqan kúsh baǵynatyn. Qaıran kúnder-Týy etip kókke órletip, Qudyretime  «KÓK  TÚRKİ» tabynatyn.....  

Osynshama ne jazypty týylyp, Bul beıshora kózi muńǵa jýylyp. İziin ańdyp eki aıaqty jyrqyshtar, İnnen aldy yńyrsytyp sýyryp.   Qoryqpaıdy, qaımyqpaıdy, saspaıdy, Itshe úrimes jaǵyn da kóp ashpaıdy. Jaratylys jaqyn barǵan jandarǵa, Jaqyndamas jynysyn da qospaıdy.   Táýekelge alǵandaıyn bel býyp, Shynjyrlaǵan temirdeı bop sýynyp. Anany oılap arman kúni alystap, Dalany ańsap apshysyn da qýyryp.   Qaıratyna qaırap  ishteı shydamyn, Súlkin túspeı ,ishteı uzaq tynady. Aınalasy buǵan qarsy janarlar Ne isterin seze me ,eken bulardyń   Qusalynyń qaıǵysyn da kim uqpaq, «Tereńdese ishteı kereń tún uqpaq» İshten syrttan júrgen qyzyq qumarlar, Sýretin de tartyp jatyr qyzyqtap.   Bosatpaq bop izdep amal oraıyn, Tappaq bolyp ebin kelse qolaıyn. Tıispeı osy óńirdegi mal-janǵa, Enesi júr  torýyldap mańaıyn   Qataldarǵa júrek  qalaı jylıdy, «Toryqqanǵa qarap  jalqy aı qylıdy» Jan-janýar bezingende atynan, Súıenishi kókke qarap ulıdy.