Qorǵanys mınıstri Arystaǵy jarylysty tabıǵı qubylys degen joq dep jazady Qamshy.kz aqparat agenttigi. Bul týraly mınıstrdiń baspasóz hatshysy Danıar Áljanov málimdedi. Ol Nurlan Ermekbaevtyń "tabıǵı nárse" dep aıtqanyn lıngvısıkalyq turǵydan túsindirdi. 

"Mınıstr: "... bul tabıǵı nárse, árbir arsenaldyń qaýipteri bar..." — dep aıtqan vıdeoǵa qatysty suraqtar qoıylyp jatyr. Onyń sózi "arsenaldyń jarylý sebebi – tabıǵı qubylys" dep qate aýdarylyp ketken. Negizi durys aýdarmasy "tabıǵı nárse", "qalypty jaǵdaı" degen maǵynany bildiredi, sonda mınıstrdiń ne aıtqysy kelgenin túsinemiz. Qurmetti áriptester, áskerı qyzmet pen arsenaldan keletin belgili bir qaýip-qater bar. Bul qalypty jaıt. Sondaı-aq tergeý aıaqtalmaıynsha, eshkim aldyn ala qorytynda jasamaıtyny belgili. Biz qaza tapqan úsh adamnyń otbasyna taǵy da kóńil aıtamyz. Bolǵan jaıtqa qatty ókinemiz jáne arsenal jarylysy saldarynan zardap shekkenderdiń bárine janymyz ashıdy", - dep jazdy Danıar Áljanov óziniń feısbýk paraqshasyna.