Meksıkadaǵy Kýatemok qalasynyń meri erekshe eksperıment jasady dep jazady Qamshy.kz aqparat agenttigi Milenio telearnasynyń deregin negizge alyp. Ol qalalyq mekemelerdiń qyzmetkerleri shyn máninde qalaı jumys isteıtinin teksermek bolady. Sodan nashar kıinip, grımm jasap, múgedekterge arnalǵan arbaǵa otyryp qala aralaıdy. Nátıjesi Kýatemok qalasynyń meri Karlos Tendi qýanta qoımady. 

Ony barlyq qyzmetkerler elemeı, qyzmet kórsetkisi kelmegen. Negizinen qala meri bul eksperımentti 2 aı boıy jasaıtyn bolamyn dep josparlaǵan.  Bul eksperımentti jasaýǵa halyq pen janyndaǵy qyzmetkerlerdiń aıtqany sáıkes kelmeýi iser etipti. 

"Men kimge senerimdi bilmedim. Halyqqa ma álde janymdaǵy qyzmetkerlerge me?", - dep túsindirdi qala meri. 

Ei birinshi qala meri áleýmettik damý basqarmasyna azyq-túlik alýǵa járdemdesý jóninde resmı túrde ótinish toltyrýǵa barǵan. Biraq basqarmadaǵy qyzmetkerler kómek surap kelgen múgedekti elemegen, tipti ótinish toltyrýǵa kómektespegen. 

Sodan soń ol qala ákimdigindegi ózi basqaratyn ákimshilik bólimine barǵan. Qabyldaý bóliminiń esigin kúzetken adam kóp. OL biraz ýaqyt qalaǵan jerge kire almady. Sebebi qyzmetkerler múgedekterge arnalǵan lıftiń kiltin taba almaǵan. Ekspreıment kezinde qala meri qorlyq pen kemsitýdi kórgenin jasyrmady. 

"Men sol kezde qatty ashýlandym. Memlekettik qyzmetkerler jalaqy alyp otyr. Biraq halyqqa kómek kórsetpeıdi. Keıin jınalys kezinde bolǵan jaıttyń birin qaldyrmaı aıtyp berdim. Mundaı bassyzdyqqa shydaı almaıtynymdy da eskerttim", - deıdi qala meri Karlos Ten.