Mine, jaıdarly jaz da sońyna taqap qaldy. Endi az ýaqyttan soń jańa oqý jyly bastalyp, syrttan keletin stýdentterdiń baspanaǵa degen suranysy artady. Suranysqa saı baǵa da aspandap ketetini bar, – dep habarlaıdy Qamshy.kz aqparat agenttigi.

Nv.kz saıty ádette  úıdiń jaldaý aqysy onda turatyn adam sanyna tikeleı baılanysty dep jazady. Artyǵymen aıtqanda remonty ortasha páterlerdiń baǵasy Almatyda bir adamǵa aıyna 50 myń teńgege deıin shyǵady. Eki adam 65-70 myń teńgege jaqsy páter jaldaı alady. Tolyqtaı jıhazdalǵan bir bólmeli páterler 90 myńnan bastalady. Ortasha jaǵdaıdaǵy eki bólmeli páterler 80 myńǵa tabylsa, qajetti jıhazdyń barlyǵymen jaraqtandyrylǵany 150 myń teńge shamasynda. Úsh bólmelilerdi 170 myń teńgege jaldaýǵa bolady.

Bul sıfrlar kópqabatty úılerdegi páterlerge qatysty. Al qala mańynda bir, eki bólmeli "vremánkalarda" turatyndardyń qatary da az emestigin umytpaǵan jón. Tipti olardyń sany kópteý bolsa tańǵalarlyq eshteńesi joq. Ondaı «úılerde» jaldaý aqysy arzan. Shamamen aıyna bir bólme úshin 25 myń teńgeden bastalady. Onda birneshe adam turýy múmkin. Sáıkesinshe jaǵdaıy da máz emes. Birinshiden qala ortalyǵynan qashyq. Remonty nashar. Keıbiri sapasyz salynǵandyqtan kók sasıdy. Odan keıin turmystyq tehnıka, vana, dýsh sıaqty qajettilikter ilýde bireýinde bolmasa, kóbinde joq. Sebep, ondaı aýdandardyń deni ortalyqtandyrylǵan káriz júıesine qosylmaǵan. Qaltanyń kóteretini sol bolǵandyqtan ondaı páterlerdi aýyldyń qarapaıym qazaǵy qoryǵysh keledi.