Túrkıa – Ońtústik-Batys Azıada 97% jáne 3% Eýropada ornalasqan. Túrkıa memleketi 1923 jyly Osman ımperıasynyń qulaýynan keıin oryn tepti. Al eldegi eń úlken qala  – Stambýldyń negizi 667 jyly qalanǵan.

Bir jylda elge 40 mıllıonnan asa týrıs keledi eken. Árıne saıahattaýshy týrıs úshin Túrkıa elinde barlyq jaǵdaı jasalǵan jáne ózindik erekshelikteri bar.

Túrkıa eline jasaǵan saıahatymda biraz qyzyqty jaıttarǵa kýá bolyp, halqynyń ómir súrý dástúri men ózindik erekshelikterimen tanystym.

Alǵash túrik otbasyna qonaq bolyp barǵan kezde barlyǵymen eki retten qushaqtasa otyryp, jyly shyraımen qarsy aldy. Túrik asqanasy da ózindik ereksheligimen kózge túsedi. Tańǵy as ishý árbir turǵyn úshin erekshe mańyzǵa ıe. 

Qonaqqa ómir súrý erekshelikteri men dástúrin keńinen tanystyrady eken. Qazaqstan halqyna degen yqylastary da erekshe. Bizdegi bolyp jatqan barlyq jańalyqtarymen tanysyp, habardar bolyp otyratyndary jaıly aıtyp ótti. 

Túrkıanyń kez-kelgen turǵyny mysyqty erekshe qurmetteıdi jáne kútim jasap tamaqtandyrady. Bir apaı: «Bul bizdiń hanzada men hanshaıymymyz» dep ázildegeni esimde. Burynǵy kezde mysyqty záýlim saraılarda ustap, joǵary tap ókilderine syıǵa bergeni belgili.

Túrik halqynda shaı ishý dástúri keń etek alǵan. Qandaı jerde bolsyn, qaı ýaqytta bolsyn shaı ishýden bas tarta almaısyz. Túriktiń kofesi de erekshe bedelge ıe. Súleıman Sultan kezinen kele jatqan túrik sýsyndary – basqa elden keletin týrıser úshin tansyq bir dám.

Túrik halqy saýda jasaýmen jáne qyzmet kórsetýiniń joǵary sapasymen birden ystyq yqylasqa bólengen. Eńbekqor halyqtyń turmys-tirshiligin syrttaı baqylaǵan adamǵa erekshe áser qaldyrady. 

Túrkıa elinde temeki tartý aıtarlyqtaı etek alǵan eken. Kóshedegi kez kelgen turǵynnan bastap temeki tartý úırenshikti kórinis kórinedi.

Adamdary bir-biriniń esimderi aıtqannan góri «Abı», «Abla» syndy tirkesterdi jıi qoldanady. Bul da bir qurmet jáne keń etek alǵan.

Túrkıada tarıhı jerler, IýNESKO-nyń qorǵaýyna alynǵan eskertkish oryndary aıtarlyqtaı kóp. Árbir orynǵa kirýdiń ózi qaltańyzdy biraz qaǵyp, ýaqytyńyzdy da alady. Sebebi kezekte turatyn halyqtyń sany kóp jáne bılet quny arzan emes. Alaıda arnaıy Museum card syndy qosymsha jeńildik syılaıtyn kartanyń arqasynda aqshańyzdy únemdeýge múmkindik alasyz. 

Aııa Sofıa murajaı ǵımaraty. 325 jyly ımperator Konstantınniń buıryǵy boıynsha negizi qalanǵan. Ǵımaratty 10 myń jumysker 5 jylda salyp bitirgen. 

Belgili jazýshy Orhan Pamýk Stambýldy qupıa qala dep esepteıdi. Árbir esik, árbir kóshe, árbir kópir ózindik mán men maǵynaǵa ıe. Jazýshynyń sózinshe, Túrkıadaǵy eń tanymal jáne qupıa men syrǵa toly sultan saraıy – Topkapy.