Búgin Nur-Sultan qalasynda "Elbasy N.Á.Nazarbaevtyń Qazaqstandaǵy parlamentarızmniń qalyptasýy men damýyndaǵy róli" atty halyqaralyq konferensıasy ótýde.
Dástúrli forýmdy forýmdy alǵysózben ashqan májilis tóraǵasy Nurlan Nyǵmatýlın "Qazaqstannyń tuńǵysh prezıdenti Nursultan Ábishuly Nazarbaevtyń táýelsiz Qazaqstanymdy jáne onyń parlamentarızmin qalyptastyrý jolyndaǵy teńdessiz róline" toqtaldy.
Májilis tóraǵasy "Elbasy eldi barlyq qıyndyqtan aman alyp shyǵyp, iri saıası, ekonomıkalyq áleýmettik reformalar jasady. Memleketimizdi álemdik deńgeıge jetkizdi. "Qazaqstandyq damý joly" qalyptasty. Sondyqtan, shyn máninde, "Táýelsizdik joly ol Elbasy joly". Osy damý jolymyz qazir Prezıdent Qasym-Jomart Toqaevtyń basshylyǵymen odan ári jalǵasýda" dep atap ótti.
Osy úlken jolda tarıhymen birge kele jatqan qos palataly parlamenttiń de úlesi zor ekenin basa aıtqan Nurlan Nyǵmatýlın:
– Búginde bizdiń kásibı parlament qoǵamdyq pikirler men ashyq saıasattyń bıik orny bolýmen qatar, múmkindigi mol, qýaty myqty, joǵary zań shyǵarýshy organǵa aınaldy. Ózine júktelgen, árbir mindetti abyroımen atqaryp, Elbasy Nursultan Ábishuly Nazarbaevtyń jáne memleket basshysy Qasym-Jomart Toqaevtyń mańyzdy qadamdaryn, saıası, ekonomıkalyq, áleýmettik bastamalaryn sapaly zańdarmen qamtamasyz etip keledi, – dedi.
Sonymen qatar palata spıkeri Qazaqstan parlamentiniń órkenıetti elderdiń zańnamalyq organdarymen teń dárejede qyzmet etip, Elbasy aıtqandaı, "naǵyz demokratıa mektebine aınalǵanyn" jetkizdi.
Nurlan Nyǵmatýlınniń pikirinshe, "osynyń barlyǵy, Tuńǵysh Prezıdentimiz Nursultan Ábishuly Nazarbaevtyń el basqarýdaǵy dana, kóregen, syndarly saıasatynyń jemisi".
Májilis tóraǵasy búgingi tańda búkil álemdi qamtyǵan kúrdeli ahýalǵa nazar aýdaryp, osyndaı qıyn jaǵdaıda eldiń áleýmettik-ekonomıkalyq turaqtylyqty saqtaýǵa, jumyspen qamtýǵa jáne halyqtyń tabys deńgeıin qamtamasyz etýge zor kóńil bólinip otyrǵanyn aıtty.
Osy rette, Nurlan Nyǵmatýlın:
– Daǵdarysqa qarsy jedel sharalar sheńberinde kiristerin ýaqytsha joǵaltqan 4,5 mıllıonnan astam qazaqstandyq aı saıynǵy óteýsiz memlekettik kómek aldy. Bul maqsatqa 450 mıllıardtan astam teńge jumsaldy. Osy kúrdeli kezeńde bizdiń tuńǵysh prezıdentimiz burynǵydaı barsha qazaqstandyqtar birliginiń kepiline aınalǵanyn erekshe atap ótkim keledi, – dedi.
Elbasy bastamasymen «Birgemiz» atty ulttyq qaıyrymdyq qor uıymdastyrylyp, jalpyhalyqtyq qozǵalys barlyq qazaqstandyqtardy bir maqsatqa jumyldyrdy. Sonymen qatar, qordyń birjolǵy qaıyrymdylyq qarjylaı qoldaýyna 550 myńnan astam qazaqstandyq otbasy ıe boldy. Mıllıonnan astam adam azyq-túlik jáne turmystyq kómekpen qamtylyp, myńdaǵan eriktiler muqtaj jandarǵa járdemdesti.
Óz kezeginde koronavırýstyń taralýyna qarsy turý jáne tótenshe jaǵdaı kezinde turaqtylyqty qamtamasyz etý jolynda Elbasynyń bastamasyna Májilis depýtattarynyń biraýyzdan qoldaý bilgirgenin aıtqan Palata Spıkeri Nurlan Nyǵmatýlın:
– Búginde memleket basshysy Qasym-Jomart Toqaevtyń ekonomıkalyq ósimdi qalpyna keltirý jónindegi bastamasy zańnamalyq qoldaýǵa ıe bolyp otyr. Ózderińizge belgili, aǵymdaǵy jyldyń naýryz aıynan beri parlament erekshe jaǵdaıda jumys isteýde. Tótenshe jaǵdaı kezinde parlamentte basqarýshylyq sheshimder qabyldaýdyń jańa úlgisi qoldanyla bastady. Ol zań jobalaryn qashyqtyqtan talqylaý júıesi. Biz úshin barlyq múddeli taraptardyń, depýtattardyń, memlekettik organdar men azamattyq qoǵamnyń úzdiksiz qashyqtyqtan jumys isteýin qamtamasyz etetin beıne baılanys, selektorlyq keńester jáne basqa da zamanaýı aqparattyq tehnologıalar múmkindigin barynsha paıdalaný mańyzdy boldy. Erekshe aıtý kerek, zań jobalaryn maquldaýdyń qarqyny men sapasy tómendegen joq. Óz ýaqytynda jedel ári tıimdi sheshimder qabyldandy, – dedi.
Sonymen qatar, konferensıada májilis tóraǵasy eń aldymen depýtattar ulttyq ekonomıka, aýyl sharýashylyǵy, halyqty áleýmettik qoldaý, densaýlyq saqtaý salasyndaǵy júıeli sharalar, epıdemıologıalyq jaǵdaıdy turaqtandyrý, bilim berýdiń barlyq deńgeıleriniń sapasy máselelerin erekshe baqylaýǵa alǵanyn jetkizdi.
Sondaı-aq palata spıkeri Nurlan Nyǵmatýlın búginde elimizde ekonomıkalyq ósimdi qalpyna keltirý, shaǵyn jáne orta bıznesti qoldaý, halyqtyń áleýmettik ál-aýqatyn nyǵaıtý boıynsha jumystar belsendi júrgizilip jatqanyna nazar aýdardy.
Májilistiń baspasóz qyzmeti
