Memlekettik kirister organdary tarapynan 2017 jyly 6 mıllıon 400 myń lıtr, 2018 jyly 3 mıllıon 700 myń lıtr, 2019 jyly 6 mıllıon 100 myń lıtr, osy jyldyń 9 aıynda 320,2 myń lıtr mólsherinde zańsyz alkogól ónimderi tárkilendi. Bul týraly Memleketti kirister komıteti habarlady.

Alkogól naryǵyna qatysýshylar alkogól ónimderin retteý salasyndaǵy zańnamanyń normalar (alkogól ónimderin ruqsat qujaty men ilespe júkqujatynsyz satý jáne bekitilgen baqylaý markalarynsyz satý) buzylǵanyn anyqtalǵan .

Zańsyz alkogól ónimderdiń 23,6%-y shekaradan ótý kezinde, 76,4%-y alkogól ónimderin satý obektilerinde anyqtaldy.

Qyrǵyzstan Respýblıkasymen shekarada 23,8 myń lıtr mólsherindegi etıl spırti jáne 14,5 myń lıtr araq ákele jatqandardyń joly kesildi.

Qarjy monıtorıńi komıtetiniń ekonomıkalyq tergeý qyzmeti usynǵan aqparatqa sáıkes, Qazaqstan Respýblıkasynyń aýmaǵynda zańsyz alkogól ónimderin shyǵaratyn 25 sehtyń jumysy toqtatyldy. Almaty qalasy – 11, Almaty oblysy – 4, Shymkent qalasy - 3, Túrkistan oblysy – 2, Aqtóbe, Qostanaı, Shyǵys Qazaqstan, Pavlodar jáne Jambyl oblystarynda – 1 seh qyzmeti toqtatylǵan.