Batystyq BAQ Qytaı men AQSH-tyń Ońtústik Qytaı teńizindegi shıelenisi kúsheıgenin habarlady. Qytaılyq basylym Beıjiń áskerı kúshteriniń AQSH soǵys kemesin óksheleı qýyp, daýly teńizden shyǵarǵanyn jazdy.  

Aqparatqa sáıkes, AQSH pen Qytaı áskerı kúshteriniń Ońtústik Qytaı teńizindegi buryn-sońdy bolmaǵan shıelenisi paıda boldy. Eki jaq bir-birine birneshe ret qaterli qoqan-loqy jasady.

Prezıdent Djo Baıden kezinde AQSH áskerı kúshteri birinshi ret daýly Parakel araldary mańyna soǵys kemesin jiberdi.

AQSH Áskerı-teńiz kúshteriniń 7-shi floty "teńizde júzý erkindigi" operasıasyn jasaǵanyn málimdep, "búkil álem boıynsha zańsyz teńiz talaptaryna qarsy turatynyn" aıtty.

Qytaı Sısha araldary dep ataıtyn Parakel araldary Qytaı, Taıvan jáne Vetnamǵa tıesili.

Qytaıdyń memlekettik buqaralyq aqparat quraly Global Times-tyń habarlaýynsha, AQSH kemesin Qytaı armıasy qadaǵalap, daýly teńizden shyǵaryp jibergen.

Reuters agenttiginiń aqparatyna sáıkes, Qytaı buǵan deıin Ońtústik Qytaı teńizindegi daýly araldar mańynda AQSH kúshterine qarsy kelgen.

30 jeltoqsanda ǵana "USS John S. McCain" jáne "USS Curtin Wilbur" dep atalatyn Vashıngtonnyń eki soǵys kemesi Taıvan buǵazyna jiberilgen.

Ońtústik Qytaı teńizindegi basqa terıtorıalarda Malaızıa, Brýneı jáne Fılıppın sıaqty elderdiń talasy bar.