«Kún saıyn bizde 60-qa jýyq adam ekpe alýda» - COVID-19-ǵa qarsy vaksınasıa qalaı júrip jatqanyn Almaty emhanalarynda aıtyldy.

Ekpe salý naýqany bastalǵannan beri Naýryzbaı aýdanynda búgingi kúni KVI-den 3500 adamǵa vaksına salyndy.

Onyń arasynda, 954 medısına qyzmetkeri, 571 pedagog, 138 polısıa basqarmasynyń qyzmetkerleri, 45 stýdent, 51 İİM qyzmetkerleri, sozylmaly aýrýmen aýratyn 100 adam jáne qala mekeniniń 1 myń adamy.

Búgingi kúnge ekpe salý naýqany boıynsha 5 transh júrgizilip jatqany týraly aıta ketkimiz keledi.

Ótken tórt eshelon boıynsha 2910 adamǵa ekpe salyndy. Munda eń aldymen ımmýnızasıany juqpaly aýrýlar aýrýhanasynyń, jedel járdem kómeginiń, reanımasıa, medısınalyq-sanıtarlyq alǵashqy kómektiń (MASK), qabyldaý bólimshesiniń jáne sanıtarlyq-epıdemıologıalyq qyzmettiń jumyskerleri alatynyn atap ótken jón. Ekinshi satyda jalpy bilim beretin mekteptiń, joǵary oqý oryndarynyń pedagogtary, birinshi satyǵa kirmegen medısına qyzmetiniń jumyskerleri qamtylǵan. Úshinshi saty mektep-ıntenattar, mektepke deıingi balalar mekemesiniń pedagogtary, stýdentter jáne sozylmaly aýrýmen aýratyndar, medısınalyq-áleýmettik mekemeniń qyzmetkerlerine qaralǵan.

2 sáýirden bastap megapolıste vaksınasıanyń 5 transhy bastaldy. Búgingi tańda qalanyń barlyq turǵyndary vaksınasıadan ótýde. Vaksınany alýdyń jalǵyz sharty-qalanyń kez-kelgen emhanasyna tirkelý. Eger sheteldik adamnyń turýǵa yqtıarhaty bolsa jáne ol emhanaǵa tirkelgen bolsa jáne medısınalyq kómektiń barlyq qajetti kólemin ala alatyn bolsa-olarǵa vaksına da qoljetimdi.

«Kúndelikti bizde shamamen 60 adamǵa ekpe salynady. Ekpe salynǵandardyń barlyǵynyń jaı-kúıi jaqsy. Osy ýaqytqa deıin beıtarap áserler anyqtalmady. Bizdiń azamattarymyzben birge shet el azamattary da vaksına alyp jatyr. Mysalǵa, búgin turýǵa yhtıary bar, qaladaǵy emhanaǵa tirkelingen Ońtústik Koreıanyń 5 azamaty keldi. Olardyń barlyǵy vaksına aldy»- dedi №36 Qalalyq emhananyń bas dárigeri orynbasarynyń m.a. Venera Tohtahýnova.

«Búgin men Spýtnık vaksınasyn saldyrdym. Men kelgende qan qysymymdy ólshep, satýrasıa júrgizip, tamaǵymdy tekserip, sozylmaly aýrýdyń bar-joǵy týraly surady. Tekseris kezinde barlyǵy qalypty boldy. Ekpeniń salynǵanyn tipti sezbeı qaldym. Sodan kabınetke apardy, ol jerde jarty saǵattaı otyrdym, ózimdi jaqsy sezindim. Meniń tanystarymnyń barlyǵyna ekpe salynǵan, men jumysym úshin sozyp júrgenmin. Aýrý arashalap ótedi dep úmittenem, osy ýaqytqa deıin aýyrǵan joqpyn jáne aýyrǵym da kelmeıdi. Sol sebepti vaksına alýǵa keldim jáne de barlyǵyńyzǵa alýdy usynamyn. Pandemıanyń tez bitýin tileımin»- dep qala turǵyny Iý Chıýn óz oıyn bildirdi.

Naýryzbaı aýdany boıynsha vaksınany salý №7 Qalalyq klınıkalyq aýrýhanada, №26, 27, 36 Qalalyq emhanalarda kúndelikti saǵ. 8.00-den 20.00-ge deıin júrgiziledi. №36 Qalalyq emhanada vaksına salý ekinshi qabattaǵy 209 kabınette, al, ekinshi satysy- ıaǵnı, revaksınasıa 1 qabattaǵy 104 kabınette júrgizilip jatyr.

«Ekpe alýǵa tilek bildirgenderdiń bárin vaksınasıaǵa shaǵyramyz»-, dep atap ótti #36 QE mamany.

Esterińizge sala keteıik, vaksınasıalaýǵa ótinimdi jeke kabınet nemese Mobaıl Egov mobıldik qosymshasy arqyly onlaın berýge bolady. Ótinim aqparattyq júıede tirkelgennen keıin mamandar habarlasady. Ekinshi komponentti alý úshin eki ret ótinish berýdiń qajeti joq. Bir ótinim jetkilikti. Naýqas 21 kúnnen keıin belgili bir meken-jaıǵa barý kerek ekendigi týraly eskertý alady. Onlaın jazylý arqyly kezekke turýdyń qajeti joq. Árbir emhanada koll-ortalyq bar, sondaı-aq 1406 qysqa nómiri jumys isteıdi.