Búgin Almatyda saýda-oıyn-saýyq ortalyqtary men bazarlarda egý pýnktteri ashyldy. Olar óz jumystaryn saǵat 10.00-de bastady, naýqastardy jazba boıynsha qabyldady.

«Moskva» oıyn-saýyq ortalyǵy jumys istemese de, egý pýnkti qyzmetin bastady. Kúzet qyzmetindegiler ǵımaratqa tek vaksınasıaǵa aldyn ala jazylǵandar men shaqyrylǵandardy kirgizedi, ol úshin qaýipsizdik qyzmetiniń qyzmetkerine eskertý jetkilikti.

«Máskeý» SOO egý pýnktiniń jaýapty kezekshisi Gúldana Tóleshova atap ótkendeı, medısına qyzmetkerleri saǵat 10.00-den bastap, saǵat 20.00-ge deıin almatylyqtarǵa ekpe júrgizýdi jalǵastyrady. Dárigerler Almaty qalasynyń № 16 emhanasyna tirkelgen azamattarǵa aldyn ala qońyraý shaldy,sondaı-aq E-Gov arqyly vaksınasıa alýǵa jazylǵandar da bar. Tórt saǵat ishinde dárigerler 50-ge jýyq adamdy vaksınasıalady, vaksınasıa qyzý júrip jatyr. Onyń ústine, ekpe alýǵa tilek bildirýshiler kóp.

Koronavırýstan ekpe alǵan eń jas adamnyń jasy 18-de bolsa, jasy eń úlkeni - 87 jastaǵy qart áje.

«Egý pýnktinde 2 terapevt dáriger men medbıkeler jumys isteıdi, adam sany kóp emes, betperde rejımi,áleýmettik qashyqtyq saqtalǵan, kezegin kutýshiler bir-birinen alshaq otyrǵyzyzylady. Barlyǵy aldyn ala tirkeýden, sodan keıin dárigerdiń qaraýynan ótedi, sodan keıin qarsy kórsetilimder bolmasa,pasıentti emshara kabınetine jiberemiz»,- dep túsindirdi algorıtmdi Gýldana Týleshova.

Aıta keteıik, almatylyqtar vaksınasıaǵa sanaly túrde baryp, óz erikterimen jazylyp, emhanalarda da, SOO bazasynda ornalasqan pýnktterge de kelýde.

Ekpe saldyrǵandardyń arasynda 72 jastaǵy zeınetker, densaýlyq saqtaý salasynyń ardageri Natalá Mıhaılovna da bar.

«Men vaksınasıa arqyly ǵana ımýnıtetti qalyptastyryp,osy ınfeksıany jeńe alatynymyzdy jaqsy túsinemin. Bir kezderi álem obany,sheshekti jeńgendeı. Eger bári vaksına alsa, Qudaı buıyrsa koronavırýsty jeńemiz», - dedi Natalá Tıhonovna.

Zeınetkerdiń jaı-kúıin teksergennen keıin, prosedýralyq kabınetke shaqyryp, onda oǵan «Spýtnık» vaksınasymen ekpe salyndy. Áıeldiń aıtýynsha, ol ózin jaqsy sezingen, ásirese, egý pýnktine kelgenderdiń bárine túsinikti etip túsindiretin medısına qyzmetkerleriniń jumysyn erekshe atap ótti. Usynymdar beredi.

Esterińizge sala keteıik, búgin 20 SOO men bazarlardyń bazasynda qalalyq emhanalardan egý pýnktteri jumysyn bastady. Almaty turǵyndaryn vaksınasıaǵa shaqyrady, E-Gov mobile mobıldik qosymshasy, sondaı-aq E-Gov elektrondyq úkimet platformasy arqyly jazylýǵa bolady. Sonymen qatar, ádettegideı, kez-kelgen medısınalyq mekemege habarlasýǵa da bolady.