Prezıdent Qasym-Jomart Toqaev Hanzada Fılıpptiń qaıtys bolýyna baılanysty kóńil aıtý jedelhatyn joldady. Bul týraly Aqorda saıty habarlady.

Saıt málimetinshe, Qazaqstan prezıdenti Ulybrıtanıa jáne Soltústik Irlandıa qurama koróldiginiń patshaıymy İİ Elızavetaǵa jubaıy hanzada Fılıpptiń qaıtys bolýyna baılanysty kóńil aıtý jedelhatyn joldaǵan.

"Memleket basshysy Edınbýrg gersogi, hanzada Fılıpptiń qaıtys bolǵany týraly qaıǵyly habardy tereń kúızelispen qabyldady.

Qazaqstan halqynyń jáne jeke ózimniń atymnan  uly mártebeli patshaıym sizdiń jáne barsha brıtandyqtardyń qaıǵysyna ortaqtasa otyryp, kóńil aıtamyn. 70 jyldan astam ýaqyt boıy, ásirese, uly mártebeli patshaıym siz taqqa otyrǵan sátten bastap, Edınbýrg gersogi turaqty tiregińiz jáne kúsh-jigerińizdiń sarqylmas kózi boldy. Ol ekinshi dúnıejúzilik soǵystyń qurmetti batyry, búkil ómirin birikken koróldik pen onyń tájine qyzmet etýge arnaǵan, muqtaj jandarǵa kómektesip, Brıtanıa ultynyń, dostastyq pen odan tys jerlerdegi halyqtyń ál-aýqatyn arttyrýǵa úles qosqan asa kórnekti, uly mártebeli bıik tulǵa boldy. Osyndaı qıyn sátte bizdiń duǵamyz sizdiń uly mártebeńizge, koróldik otbasyńyzǵa, sondaı-aq, hanzada Fılıppti biletin jáne qyzmettes bolǵan adamdarǵa arnaldy. Ol bizdiń jadymyzda parasattylyq pen ádildiktiń, batyldyq pen óz halqyna adaldyqtyń sımvoly retinde máńgi saqtalady" delingen jedelhatta.