Búgin parlament májilisi jetinshi shaqyrylymynyń alǵashqy sesıa jumysy qorytyndylandy.

Májilis tóraǵasy Nurlan Nyǵmatýlın palatanyń jalpy otyrysynda osy sesıa óz jumysyn el áýelsizdigine 30 jyl tolǵan tarıhı kezeńde bastaǵanyn alǵa tartty.

– Osy sesıadaǵy jańa jáne naqty qadamdar májilistiń zań shyǵarý jumysyn odan ári kúsheıtýge jol ashty. Sonyń nátıjesinde, májilis saıası, áleýmettik, ekonomıkalyq mańyzy zor kóptegen zańdardy qabyldady. Kóptegen parlamenttik sharalar uıymdastyryldy. Bul jolda biz, Elbasy Nursultan Ábishuly Nazarbaevtyń strategıalyq bastamalaryn jáne memleket basshysy Qasym-Jomart Kemeluly Toqaevtyń alǵa qoıǵan mindetterin basshylyqqa aldyq. Onyń barlyǵy, halqymyzdyń ómir sapasyn arttyrýǵa, elimizdiń turaqty damýyn zań deńgeıinde qamtamasyz etýge yqpal etti, – dedi ol.

Nurlan Nyǵmatýlın atap ótkendeı, sesıa barysynda depýtattar ózderiniń zań shyǵarýshylyq bastamalaryn belsendi qoldanyp, 10 zań jobasyn ázirlep shyqqan. 

Osy sesıada 230-dan asa depýtattyq saýal joldanǵan. Olar ındýstrıalyq-ınnovasıalyq damý, qarjy, bilim berý, densaýlyq saqtaý, áleýmettik qorǵaý jáne aımaqtyq damý máselelerine baǵyttaldy. 

Sondaı-aq palata spıkeri sesıa aıaqtalǵanymen depýtattar óńirlerge, shalǵaıdaǵy aýyldyq jerlerge baryp saılaýshylarmen kezdesetinin aıtty. 

Májilistiń baspasóz qyzmeti