Májilis depýtaty Asqat Aımaǵambetov Májiliste medesına saqtandyrýdaǵy máselelerdi kóterdi. Ol MÁMS júıesi arqyly medısınalyq kómek alǵysy kelgen adamdar aılap kezek kútýge májbúr ekenin aıtty. 

"Qazir azamattar aýrýhana baryp, tekseristen tegin ótemin dese, onda bir aı nemese úsh aı kútý kerek. Al eger sol adamdar sol tekseristen aqyly ótemin dese, dál sol ýaqytta nemese úsh mınýtta ótýine bolady. Sondyqtan eriksizden aqyly qyzmetti alýyna májbúr bolyp, onda "biz ne úshin aı saıyn jalaqymyzdan jarnany tóleımiz" deıdi. Bul negizinen jasandy problema. Óıtkeni engizilgen qarjylandyrý júıesine de baılanysty bolyp tur. Mysaly, emhanalar is júzinde aı saıyn kvota arqyly qarjy alady. Máselen, bir aıǵa KT jasaýǵa 10 kvota, MRT jasaýǵa 5 kvota beriledi. Al, eger KT-ǵa suranys odan kóp bolsa, onda pasıentti dáriger kelesi aılarǵa jazýǵa májbúr. Osyny eskere otyryp, aı saıynǵy qarjylandyrýdan bas tartý kerek. Kórsetilgen qyzmetter faktisi boıynsha tólenýge tıis", dedi mınıstr. 

Asqat Aımaǵambetov naýqastarǵa medısınalyq ortalyqty tańdaý erkindigin berý keregin alǵa tartty. 

"Qazir emhanalar is júzinde aı saıyn kvota arqyly qarajat alady. Mysaly, bir aıǵa KT jasaýǵa on kvota, MRT jasaýǵa bes kvota beriledi. Al, eger naýqastar sany budan kóp bolsa, onda dáriger naýqasty kelesi aıǵa jazýǵa májbúr. Osyny eskersek, aı saıynǵy qarjylandyrýdan bas tartý kerek. Kórsetilgen qyzmetterdiń aqysy fakt boıynsha tólenýi kerek. Naýqastarǵa medısınalyq uıymdy tańdaýda erkindik berip, túsinispeýshilik bolmaý úshin tegin medısınalyq kómektiń kepildendirilgen kólemi men med saqtandyrý paketin naqtylaýdy usynamyn", - dep aıtty Aımaǵambetov. 

Budan bólek mınıstr medısına salasynda da qaǵazbastylyq máselesi baryn, dárigerler naýqasty qarap, tekseretin ýaqytyn kompúter shuqylap otyrýǵa májbúr ekenin jetkizdi. 

"Búginde dárigerler pasıentterdi tekserýdiń ornyna kompúterlerge telmirip, derekterdi túrli aqparattyq júıelerge engizýge, formýlárdy toltyrýǵa májbúr bolǵandyqtan, naýqastardy qaraýǵa tipti ýaqyty da joq. Bir pasıentti tekserýdiń standartpen shektelgen ýaqyty tolyǵymen kompúterde jumys isteýge ketip otyr. Sondyqtan barlyq qujattamany toltyrýdy medbıkelerge tapsyrý, shtat sanyn kóbeıtý arqyly dárigerlerdiń júktemesin azaıtý qajet. Biryńǵaı aqparattyq júıeni iske qosý boıynsha jumysty shuǵyl aıaqtaý kerek", – dep atap ótti depýtat.