Qańtar oqıǵasynda Qazaqstannyń týyn kóterip shyqqan belsendi Berik Ábishevtiń basyna oq tıgen bolatyn. Sonyń saldarynan 9 ota jasatqan belsendiniń qazirgi jaǵdaıy máz emes. Qamshy redaksıasy Berik Ábishevtiń úıine baryp, hal–jaǵdaıyn bilip qaıtty.

Búginde qol–aıaǵy jansyzdanyp, arbaǵa tańylǵan ol sóıleýge de qınalady. Qańtar oqıǵasy jaıly suraǵanymyzda esinde eshteńe joq ekenin aıtty. Berik Ábishevtiń aǵasy Erik Ábishevtiń aıtýynsha, belsendige taǵy da ota jasaý kerek.

"Tolyqtaı saýyǵyp ketpese de, baýyrymnyń beti beri qarap keledi. Ornynan turyp ketetinine úmitim zor. Kúzde taǵy bir ota jasatýdy josparlap otyrmyz" – dedi belsendiniń aǵasy.

Sonymen qatar, ol ininsiniń alǵashqy 4 otasyna qazaq halqy qarajat jınap bergenin aıtyp, alǵysyn bildirdi. Qazirgi tańda Býlat Abılov kómektesip jatqanyn da jasyrmady. 

Alańǵa Qazaqstannyń týyn kóterip shyqqan azamatqa oq atqan adamnyń kim ekeni sol kúıi jumbaq.