2021–2022 jyldary blıs shahmattan qatarynan eki ret álem chempıony atanǵan Bıbisara Asaýbaeva "Qazaqstannyń eńbek sińirgen sport sheberi" atandy. Bul týraly shahmatshy Instagram paraqshasynda málimdedi. 

"Meni quttyqtap qoısańyzdar bolady. Aldaryńyzda – shahmattan Qazaqstandaǵy jalǵyz QR eńbek sińirgen sport sheberi", – dep jazdy on segiz jastaǵy shahmatshy.

Bıbisara Asaýbaeva 2004 jyly Taraz qalasynda týǵan. 2019 jyly áıelder arasyndaǵy halyqaralyq grosmeıster atansa, 2020 jyly erler arasyndaǵy halyqaralyq sheber ataǵyn aldy.

2021–2022 jyldary blıs shahmattan qatarynan eki ret álem chempıony boldy. Bıbisara Asaýbaeva – shahmat tarıhyndaǵy bul ataqqa ıe bolǵan eń jas shahmatshy. 2021 jyly shahmattan álem chempıonatynda rapıd boıynsha kúmis júldege ıe boldy. Sonymen qatar, dál sol jyly shahmattan Azıa chempıony atanǵan edi.