Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń kezekti otyrysy ótti.

Jıynda ishki jáne syrtqy kóshi-qon salasyndaǵy negizgi úrdister qarastyrylyp, Premer-mınıstrdiń orynbasary Ermek Kósherbaevtyń, sondaı-aq İshki ister, Sıfrlyq damý, ınovasıalar jáne aeroǵarysh ónerkásibi, Eńbek jáne halyqty áleýmettik qorǵaý mınıstrleriniń aqparaty tyńdaldy.

Memleket basshysy kóshi-qon saıasatyn iske asyrýda geosaıası faktorlar men syn-qaterlerdi, demografıalyq boljamdardy jáne halyqtyń kóshý sebepterin esepke alýdyń mańyzyna toqtaldy.

Prezıdent zańsyz kóshi-qondy boldyrmaý boıynsha baqylaýdy qamtamasyz etý, sondaı-aq eldiń adamı kapıtalyn arttyrýdy yntalandyrý qajettigine nazar aýdardy.

Aıta keterligi Reseıdiń Ýkraınaǵa soǵysynan keıin Qazaqstanǵa aǵylǵan orystar sany júz myńdap artqan. Esesine eldegi ekonomıkalyq daǵdarys pen Kóshi-qon saıasatynyń durys júrgizilmeýi saldarynan sheteldegi qazaqtardyń elge oralýy jáne Soltústik oblystarǵa baǵyttalǵan «Qazaq kóshiniń» qarqyny baıaýlaǵany jıi aıtylady. Buǵan «saıahatshy» ataýymen kelip jatqan myńdaǵan qytaılardy qosyńyz. 
Toqaev ótkizgen kezekti Qaýipsizdik keńesiniń otyrysy osy máselelerge basa nazar aýdara ma? Ony aldaǵy nátıje kórsetedi.