"Qazaqstan temir joly" ulttyq kompanıasyn Danıal Ahmetovtyń kúıeý balasy Erlan Qoıshybaev ýaqytsha basqaratyn boldy, dep habarlaıdy Qamshy.kz aqparattyq agenttigi.
- İshki normatıvtik aktilerge sáıkes, "QTJ" UK" AQ logıstıka jónindegi basqarma tóraǵasynyń orynbasary Erlan Qoıshybaev kompanıa basshysynyń mindetin ýaqytsha atqarady, delingen QTJ-nyń resmı jaýabynda.
Eske salaıyq, buǵan deıin QTJ-ny basqarǵan Nurlan Saýranbaev memleket basshysynyń jarlyǵymen kólik mınıstri laýazymyna taǵaıyndalǵan bolatyn.
Erlan Qoıshybaev – Shyǵys Qazaqstan oblysynyń burynǵy ákimi Danıal Ahmetovtiń qyzy Adelıa Ahmetovanyń kúıeýi. Al Danıal Ahmetov bolsa 2014-2023 jyl aralyǵyn atalǵan óńirdi 10 jylǵa jýyq ýaqyt basqardy.
