"QMG bizdi turaqty jumystan bas tartqandaı kórsetip otyr": Jańaózendik munaıshylarmen kelissóz bolmady

/image/2023/04/20/crop-84_27_656x1165_photo_5334966882421294288_w.jpg

20 sáýirde saǵat 11 ge belgilengen QazMunaıGaz ben jańaózendik munaıshylar arasyndaǵy kelissóz ótpeı qaldy. QMG munaıshylarǵa komısıa qurylyp, Jańaózenge attanǵanyn aıtqan, dep habarlady Azattyq radıosy.

"Komısıa quramyna kimder kirgeni, ne maqsatpen qurylǵany belgisiz" – deıdi munaıshylar. Sonymen qatar, jańaózendikter bir kún buryn "munaıshylarǵa tender utqan mekemelerden turaqty jumys usyndyq, biraq olar bas tartty" degen QMG tóraǵasynyń sózin teristep, narazy boldy.

"QMG basshysy bizdi turaqty jumystan bas tartqandaı qylyp otyr. Biz Ózenmunaıgazǵa enshiles mekemelerdegi jaǵdaıdy jaqsy bilemiz. Ondaǵy eńbek jaǵdaıy, tehnıka qaýipsizdigi saqtalmaıdy. Tehnıka, qural–jabdyq eskirip ketken. Byltyr "Kezbıde" eńbek qaýipsizdigi saqtalmaǵandyqtan, bir mashınıst janyp ketti. Biz sol mekemelerde eńbek standarty saqtalǵanyn talap etemiz. Odan keıin biryńǵaı eńbekaqy júıesin engizý kerek. ÓMG ǵa enshiles mekemelerdegi jumysshylar bir jumys atqarǵanymen, ártúrli jalaqy alady. Biz bir jumys, bir jalaqy bolǵanyn talap etip otyrmyz” – dedi munaıshylardyń biri.

Sondaı–aq, munaıshylar Astanadaǵy kelissózge qatysty konferensıa ótkizetinin aıtyp otyr.

"QMG bizdi turaqty jumystan bas tartqandaı kórsetip otyr": Jańaózendik munaıshylarmen kelissóz bolmady

Qatysty tegter :

Pikir qaldyrý

Qatysty Maqalalar