Túrkistan oblysyna qarasty Shardara aýdanynda aqyn Ámirhan Balqybekke arnalǵan eskertkish ornatyldy. Eskertkish aýdan ortalyǵyndaǵy saıabaqta ornalasqan. 

Ámirhan Balqybek 1969 jyly qazirgi Shardarada dúnıege kelgen. 1995 jyly ál-Farabı atyndaǵy Qazaq ulttyq ýnıversıtetin bitirgen. 1995-2000 jyldary «Parasat» jýrnalynda, «Jas Alash», «Ana tili» gazetterinde tilshi, 2000-2004 jyldary «Qazaq ádebıeti» gazetinde bólim meńgerýshisi qyzmetterin atqarǵan.

«Jas qazaq» gazetinde bólim redaktory bolyp istegen. Óleńderi «Aýyldan ushqan aqqýlar», «Tolqynnan tolqyn týady» ujymdyq jınaqtaryna engen. «Metamorfoza», «Synǵan sáýleniń shaǵylysýy», «Qasqyr Qudaı bolǵan kez», «Aqyn apollogıasy» jyr jınaqtarynyń avtory. Aqyn 2014 jyldyń 8 sáýirinde qaıtys boldy. Halyqaralyq «Shabyt» festıvalinde Ámirhan Balqybek atyndaǵy júlde beriledi.