Qazaqstandyq tenısshi Elena Rybakına Rımdegi WTA 1000 týrnırinde alǵash ret jartylaı fınalǵa shyqty. Bul jóninde Qazaqstan tenıs federasıasy habarlady.

Shırek fınalda qazaqstandyq sportshy polák tenısshisi Igor Shvantekpen oınady. Alǵashqy partıada 6:2 esebimen Shvantek ozdy. Ekinshi sette 7:6 esebimen qazaqstandyq utty. Úshinshi set 2:2 esebine jetkende, Iga Shvóntek jaraqatyna baılanysty oıynnan shyǵyp qalǵan.

Osy maýsymda Rybakına álemniń alǵashqy raketkasyn osymen úshinshi ret jeńip otyr.

Júma kúni jartylaı fınalda Rybakına Latvıa sportshysy Elena Ostapenkomen (Áıelder tenıs qaýymdastyǵy (WTA) reıtıńisinde 20-qatarda tur) oınaıdy.

Osy aıdyń basynda Elena Rybakına Madrıdtegi týrnırde Týnıs sportshysy Ons Jaber oıynnan shyǵyp qalǵannan keıin álemdegi altynshy raketka atanǵan.

Onyń aldynda kóktemde Rybakına Indıan-Ýels týrnırindegi jeńisinen keıin álemdik reıtıńid úsh orynǵa kóterilgen. Fınalda ol 7:6 jáne 6:4 esebimen Belarýs tenısshisi Arına Sobolenkony jeńgen. Qańtardyń aıaǵynda Rybakına Australian Open fınalynda Belarýs sportshysynan utylǵan.