Dıplomat «Azıa-Plús» departamentiniń basshysy keltirgendeı, tutqyndardy azaptaý men qatygezdik kórsetýdi toqtatýǵa shaqyrdy.

Mınskide ótken TMD elderi Syrtqy ister mınıstrleriniń samıtinde sóılegen sózinde Tájikstan SİM basshysy lańkestik áreket jasady degen kúdiktini azaptaý arqyly moıyndatýyn ashyq kórsetýden biraz nárse túıýge bolatynyn aıtty. «Osy jolmen alynǵan moıyndaýlardyń qandaı bolatyny barlyǵyna belgili», - dep atap ótti dıplomat.

Mýhrıddınniń aıtýynsha, oılastyrylmaǵan aqparattyq naýqannyń nátıjesinde Tájikstan azamattary men tájikterge qatysty teris túsinik qalyptasyp otyr, buǵan jol berýge bolmaıdy. Óıtkeni mundaı áreketter sheteldikterge degen óshpendilikke, ksenofobıaǵa, násilshildikke jeteleıdi.

Mınıstr Krokýstaǵy teraktige qatysty tergeýdiń beıtarap ári ádil ótetinine senim bildirdi.

«Barlyǵy da jazalanýy kerek: uıymdastyrýshylar da, qylmyskerler de, sybaılastar da, osy jantúrshigerlik qylmysqa tapsyrys bergender de», - dep túıindedi Muhrıddın.

Ol áriptesterine kórshiles Aýǵanstandaǵy shıelenisti jaǵdaıǵa baılanysty Tájikstan otyz jyldan beri qaýipsizdik máselelerimen betpe-bet kelgenin aıtty. Sondaı-aq dıplomat TMD terorızmge qarsy ortalyǵy qyzmetiniń tıimdiligin arttyrýdyń kezek kúttirmeıtin qajettiligi bar ekenin aıtady.