"Bıyl 16-19 sáýir aralyǵynda Qazaqstan Syrtqy ister mınıstrliginiń janyndaǵy KazAID halyqaralyq damý agenttigi Almaty qalasynda seısmıkalyq qaýipsizdik máseleleri boıynsha japon mamandarynyń qatysýymen arnaıy semınar ótkizedi. İs-sharany Japonıanyń JICA halyqaralyq damý agenttigi, Qurylys salasyndaǵy ǵylymı zertteý jáne jobalaý ınstıtýty, Tótenshe jaǵdaılar jáne tabıǵı apattar qaýpin azaıtý ortalyǵy birlesip uıymdastyrady", - dedi Aıbek Smadıarov SİM-de ótken baspasóz máslıhatynda.

Sondaı-aq japon ǵalymdary Ortalyq Azıanyń jáne Kavkaz elderiniń ókilderimen birlesip, seısmıkalyq qaýipsizdik salasynda tájirıbe almasady.

«Olar seısmıkalyq oqshaýlaý salasyndaǵy ozyq tehnologıalar men standarttar týraly pikir almasyp, seısmıkalyq qurylystaǵy áleýetti yntymaqtastyqty talqylaıdy. Sarapshylar Almaty jáne Noto qalalaryndaǵy sońǵy jer silkinisin zertteıdi. Bul bolashaqta seısmıkalyq táýekeldiń aldyn alý strategıasyn ázirleýge óz septigin tıgizedi», - dedi resmı ókil.