Dzúdodan halyqaralyq jarystarda Qazaqstan atynan baq synap, Rıo Olımpıadasynyń qola júldegeri atanǵan mońǵol qyzy Galbadrah Otgonseseg óz eliniń azamattyǵyn alýǵa ótinish berdi. "Birinshi bol" habarlaǵandaı, jeltoqsan aıynda ol Qazaqstan azamattyǵynan bas tartqan.

Galbadrah 2021 jyly mansabyn aıaqtap, eline qaıtqan. Turmysqa shyǵyp, dúnıege sábı alyp kelgen. Al qazir Ulan-Batyrda jattyqtyrýshy qyzmetin atqarady. Qazir onyń dzúdo klýbynda 100-den asa jas sportshy tálim alady. 

Galbadrah Otgonseseg 48 kıloǵa deıingi salmaqta beldesti. Óz elinde birinshi nómirli sportshy atana almady. Mońǵol quramasynda qurbysy Ýranseseg Mýnhbat úzdik boldy. Nátıjesinde Qazaqstan azamattyǵyn alyp, halyqaralyq jarystarǵa qatysqan edi. 

Mońǵol dzúdoshysy óz suhbattarynda Qazaqstan atynan jarystarǵa qatysqanyna ókinbeıtinin aıtady. Sebebi Olımpıada oıyndaryna qatysyp, júldeger atandy. Bala armanyn oryndady. Óziniń jańa múmkindikterin ashqanyn jasyrmady.