Mańǵystaýda otbasy ınstıtýtyn nyǵaıtý jáne ulttyq qundylyqtardy dáripteýge baǵyttalǵan aımaqtyq forým ótti

18 jeltoqsan kúni Aqtaý qalasynda otbasy ınstıtýtyn nyǵaıtý men ulttyq qundylyqtardy dáripteýge arnalǵan «Otbasy jáne qoǵam: jańa múmkindikter kezeńi» atty aımaqtyq forým ótti, dep habarlaıdy Qoǵamdyq komýnıkasıa ortalyǵy.

Aýqymdy is-shara oblys ákiminiń janyndaǵy Áıelder isteri jáne otbasylyq-demografıalyq saıasat jónindegi komısıa, «AMANAT» partıasy Mańǵystaý oblystyq fılıaly janyndaǵy Áıelder qanaty, jańaózendik «Analar kabıneti» qoǵamdyq qorynyń qoldaýymen uıymdastyryldy.

Forýmnyń basty maqsaty – otbasy ınstıtýtyn nyǵaıtý, ulttyq tárbıeniń mańyzyn arttyrý, sondaı-aq memlekettik qurylymdar men azamattyq qoǵam arasyndaǵy ózara seriktestikti jańa deńgeıge kóterý.

Sharaǵa elimizdiń ár óńirinen kelgen delegasıalarmen qatar Mańǵystaý oblysy ákiminiń orynbasary Abat Órisbaev, ardaqty ana, halyq emshisi Qalamqas Kúlbaraqova, psıholog, alty kitaptyń avtory Eljas Ertaıuly, Qyzylorda oblysyndaǵy «Anaǵa taǵzym» ortalyǵynyń dırektory, «AMANAT» partıasy Qyzylorda oblystyq fılıaly janyndaǵy Áıelder qanatynyń tóraıymy Altynaı Moljanova, «Astana» telearnasynyń bas prodúseri, kópbalaly ana Meıramgúl Mádáli, ulttyq jáne óńirlik komısıa músheleri, qoǵam qaıratkerleri, kásipkerler, kópbalaly analar, bilim salasynyń ókilderi qatysty.

Sondaı-aq Astana, Aqtóbe, Atyraý, Batys Qazaqstan jáne Qyzylorda oblystarynan arnaıy delegasıalar keldi.