Sot Ýkraınaǵa qarsy Reseı tarapynda soǵysqan 22 jastaǵy ózbekstandyq azamatty shartty túrde 5 jylǵa bas bostandyǵynan aıyrdy. Aıyptalýshy deportasıanyń ornyna armıaǵa qosylýdy tańdaǵanyn jáne materıaldyq jaǵdaıyna baılanysty osyndaı sheshim qabyldaǵanyn aıtty. Soǵysqa qatysqany úshin ol medal alyp, Reseı azamattyǵyn ıelengen.

Aıyptaý qorytyndysy boıynsha, Marhamat aýdanynan 2023 jyldyń sáýir aıynda jumys izdep Máskeýge ketken 39 jastaǵy T. Reseı Qarýly Kúshteri qataryna qosylýǵa jáne Reseı men Ýkraına arasyndaǵy soǵys qımyldaryna qatysýǵa sheshim qabyldaǵan.

2023 jyldyń 21 shildesinde ol Reseı Qarýly Kúshterimen № 625 kelisim-shartqa otyrǵan. Sol jyldyń jeltoqsanyna deıin Ýkraınanyń Shahtersk jáne Bahmýt qalalarynda orys áskerleri júrgizgen soǵysqa qatysyp, 2023 jyly 31 jeltoqsanda Ózbekstanǵa oralǵan.

Ol 2023 jyldyń 17 sáýirinde Máskeýge kelip, aldymen «Sarok» et dúkeninde 15 kún jumys istegen, keıin «Novatek» munaı bırjasyna jumysqa ornalasqan. Sol jerde júrip Reseı Federasıasynyń Qarýly Kúshteri qataryna Ýkraınaǵa qarsy soǵys qımyldaryna qatysýǵa aı saıynǵy joǵary jalaqyǵa shaqyrǵan Reseı azamatyn kezdestirgen.  Sottalýshynyń aıtýynsha, jańa tanysy jaraqat alsań da ótemaqy tólenetinine ýáde bergen. Ózbekstan azamaty bul usynysqa qyzyǵýshylyq tanytyp, 2023 jyldyń maýsym aıynda kelisimshartqa otyryp, Máskeýdegi polıgonda eki aı áskerı daıyndyqtan ótken.

2023 jyldyń 21 shildesinde ol reseılik kúshtermen qosymsha kelisim-sharttar jasap, oǵan sáıkes soǵys qımyldaryna qatysqany úshin aıyna 450 myń rúbl (sol kezdegi kýrs boıynsha shamamen 4 950 dollar) alatyn bolǵan. Aldymen oǵan 150 myń rúblden eki ret aqy tólengenimen, keıin tólem toqtatylǵan.

2023 jyldyń qarasha aıyna deıingi soǵys kezinde sottalýshy óz moıyndaýy boıynsha 10-nan astam ýkraın áskerı qyzmetkerin óltirgen. Maıdandaǵy belsendiligi úshin ol orys áskerleriniń barlaý bólimine aýysqan.  Sodan keıin bes aı boıy Lýganskidegi soǵys qımyldaryna qatysqan.

2023 jyldyń jeltoqsanynda ol Máskeýge oralyp, Reseıde qyzmette qalý usynysynan bas tartyp Ózbekstanǵa qaıtqan.

"2023 jyldyń 31 jeltoqsanynda azamat Qazaqstan shekarasyn kesip ótip, Ózbekstanǵa oralǵan, sodan keıin ol óz erkimen quqyq qorǵaý organdaryna aryzdanǵan jáne Reseı Qarýly Kúshterinde qyzmetin rastaıtyn barlyq qujattardy usynǵan", delingen sot sheshiminde.

Kezdesýde sottalýshy óz áreketine ókinetinin aıtyp, óziniń materıaldyq jaǵdaıynyń qıyndyǵymen jáne otbasynyń jalǵyz asyraýshysy ekenin aıtqan.

Sot jazany jeńildetetin mán-jaılardy (kinásin tolyq moıyndaý, ókiný, sottylyǵynyń bolmaýy, otbasylyq jaǵdaıy jáne úsh balanyń bolýy) eskerip, oǵan 4 jyl 2 aıǵa bas bostandyǵyn shekteý jazasyn taǵaıyndady.

Oǵan baqylaýshy organnyń kelisiminsiz turǵylyqty jerin ózgertýge, sondaı-aq Ándijan oblysynyń aýmaǵynan shyǵýǵa tyıym salynady.