Qazaqstanda avıasıa salasyndaǵy mańyzdy ınfraqurylymdyq jobalardy júzege asyrý bastaldy. Qatonqaraǵaı jáne Zaısan kýrorttyq aımaqtarynda jańa áýejaı salynady. 

Toqaevtyń tapsyrmasymen, 2025 jyly Qatonqaraǵaı, Zaısan jáne Kendirli kýrorttyq aımaqtarynda jańa áýejaılar salynady. Qazirgi bul nysandardyń jer ýchaskelerin rásimdeý jáne jobalaý jumystary júrgizilip jatyr.

Avtomobıl joldary

Sondaı-aq 2030 jylǵa deıin elimizde kólik ınfraqurylymyn jaqsartý boıynsha aýqymdy joba júzege asyrylady. Jańa avtojoldardyń jalpy uzyndyǵy 4,7 myń shaqyrym, onyń 3,7 myń shaqyrymy – İ sanattaǵy joldar.

2025 jyly kelesi aýqymdy jobalar júzege asyrylady:

• Qyzylorda – Jezqazǵan (208 km);

• Aqtóbe – Ulǵaısyn (234 km);

• Qaraǵandy – Jezqazǵan (572 km);

• Saryaǵash qalasy aınalma joly (102 km);

• Qyzylorda qalasy aınalma joly (20 km);

• Qyzylorda – Sekseýil (470 km);

• Atyraý – Dossor (86 km);

• Rýdnyı qalasy aınalma joly (16,9 km);

• Jańaózen – Kendirli (156 km);

• Petropavl qalasy aınalma joly (8 km);

• Túrkistan qalasy aınalma joly (29,6 km);

• Astana – Qostanaı – RF-men shekara (830 km);

• Shymkent qalasy aınalma joly (48 km);

• Atyraý – Oral (ortasha jóndeý, 516 km);

• Atyraý – Shapaı (136 km);

• Almaty – Talǵar – Báıdibek bı (68 km);

• Almaty – Úshqońyr (48 km);

• Beıneý – Sekseýil (736 km);

• Jaıyq ózeni arqyly ótetin kópir (6,5 km).

Bul jobalardy iske asyrý úshin jalpy kólemi 9 trln-nan astam teńge ınvestısıa kerek. Qazir ınvestorlar tartylyp jatyr.

Temir jol jáne sý kóligi

Temir jol kóligi salasynda da birqatar aýqymdy modernızasıa josparlanyp otyr. 2025 jyly 225 jańa vagon satyp alynbaq.

"Dostyq – Moıynty" jobasy boıynsha temir jol qurylysy aıaqtalady, osylaısha, ótkizý qabileti 5 esege arttyryp, táýligine 12-60 poıyz jubynyń úzdiksiz qozǵalady. Sonymen qatar "Almaty aınalma joly" jobasy júzege asyrylady.

Sondaı-aq "Dostyq – Beskól" jáne "Moıynty – Balqash" ýchaskelerinde qozǵalys ashý josparlanǵan. Bul sheshim kórsetilgen ýchaskelerdegi poıyz qozǵalysyn jaqsartýǵa jáne júk tasymaly máselelerin sheshýge kómektesedi.

Teńiz kóligi jáne Aqtaý porty

Teńiz kóligin damytý maqsatynda Aqtaý portynda konteınerlik hab salý jumystary bastaldy. Bul porttyń ótkizý qabiletin jylyna 240 myń JFE-ge deıin arttyrady. Osylaısha, Qazaqstannyń halyqaralyq logıstıkadaǵy orny nyǵaıyp, Ázerbaıjan, Grýzıa jáne Túrkıa arqyly ótetin Transkaspıı baǵytyndaǵy konteınerler tasymaly kólemi ulǵaııady. Sondaı-aq Qytaıdan Eýropaǵa jetkiziletin tranzıttik júkterdiń bir bóligin qaıta baǵyttaýǵa bolady.

Úkimette portta tereńdetý jumystaryn júrgizý josparlanǵany aıtyldy. Bul onyń termınaldyq qýaty men konteınerlerdi tasymaldaýdyń tıimdiligin arttyrady.