Aqtaýdaǵy jańa mektepte orys tilinde synyptar ashylmaıtynyna ata-analar narazy

/uploads/thumbnail/20250108144810473_big.webp

Lada.kz basylymynyń málimetinshe, №31 jańa mektep salynyp jatqan kezde ata-analarǵa qazaq jáne orys tilindegi aralas mektep bolatynyn aıtyp ýáde bergen. 

Bul mektep pen Bilim basqarmasynyń resmı paraqshasynda rastalǵan. Keıin 6 qańtarda jańa mektepte tek qazaq tildi synyptar bolatyny anyqtaldy.

Qalalyq Bilim basqarmasyna kelgen 200-ge jýyq mektep oqýshysynyń ata-analaryna komısıanyń sheshimimen  orys tildi synyptar ashylmaıtyny týraly aıtylǵan. 

Bilim bólimi bul jaǵdaıdy kadrlardyń jetkiliksizdigi men mekteptegi oryn sanynyń azdyǵymen baılanystyrǵan. Oqý orny 900 oqýshyǵa arnalǵan bolsa, memlekettik tilde bilim alǵysy keletin balalardan 1500 ótinish kelip túsken. 

Sondaı-aq 17 shaǵyn aýdannyń turǵyndaryna Bilim bóliminde 13 shaǵyn aýdandaǵy №17 mektepte jáne 27 shaǵyn aýdandaǵy №16 mektepte oqý usynyldy. 

Ata-analar №17 mektepte de oryn joq deıdi. Onda 900 oqýshynyń ornyna 2000 bala oqıdy. Sabaqtar úsh aýysymda ótedi.  Shaǵyn aýdan turǵyndary máseleni sońyna deıin jetkizip, sotta óz quqyqtaryn qorǵaýǵa daıyn.

Pikir qaldyrý

Qatysty Maqalalar